قازاقستان جازۋشىلار وداعى مەن يراننىڭ جازۋشىلار قاۋىمداستىعى ٶزارا ىنتىماقتاستىق تۋرالى مەموراندۋمعا قول قويدى, دەپ حابارلايدى "ۇلت اقپارات".
سالتاناتتى رەسٸم استانادا «قازٸرگٸ زامانعى سٶز ەنەرگيياسى» اتتى حالىقارالىق ەدەبي فورۋمى اياسىندا ٶتتٸ. فورۋمنىڭ ەكٸنشٸ كٷنٸ پروزا, پوەزييا, دراماتۋرگييا جەنە اۋدارما ٸسٸندەگٸ ٶزەكتٸ مەسەلەلەر 4 سەكتسيياعا بٶلٸنٸپ تالقىلانۋدا.
«قازاقستاننىڭ زاماناۋي ەدەبيەتٸ پارسى تٸلٸنە ٶتە از اۋدارىلعان. بٷگٸنگٸ مەموراندۋم پارسى اۋديتوريياسىنا قازاق ەدەبيەتٸن ناسيحاتتاۋعا جەنە اۋدارۋعا سەرپٸن بەرەدٸ دەپ ٷمٸتتەنەمٸن. ەكٸنشٸ جاعىنان, كلاسسيكالىق پارسى ەدەبيەتٸ بارشا ەلەمگە تانىمال بولسا دا, قازٸرگٸ پارسى ەدەبيەتٸن بٸلەتٸندەر از. بٷگٸنگٸ كەلٸسٸمنەن سوڭ, قوس حالىققا قازاق جەنە پارسى ەدەبيەتٸنٸڭ زاماناۋي ٶكٸلدەرٸ كەڭٸنەن تانىلارىنا سەنٸمدٸمٸن», - دەپ اتاپ ٶتتٸ يران جازۋشىلار قاۋىمداستىعىنىڭ تٶراعاسى, اقىن, جازۋشى حادي ساەري كياساري.
ٶز كەزەگٸندە قازاقستان جازۋشىلار وداعىنىڭ باسشىسى ۇلىقبەك ەسدەۋلەت ەكٸ ەلدٸڭ باعزىدان قالىپتاسقان ەدەبي بايلانىسىن دامىتا تٷسۋگە نيەتتٸ ەكەنٸن جەتكٸزدٸ.
«پارسى ەدەبيەتٸ ەلەمگە اسىل قازىنالار سىيلاعان باي ەدەبيەت بولىپ سانالادى. شاحنامادان باستاپ, رۋميدٸڭ, جەميدٸڭ, ساعديدىڭ, باسقا دا شىعىس جٷلدىزدارىنىڭ شىعارمالارى بٸزدە اۋدارىلىپ كەلگەن. ەربٸر بۋىن ۇلى اقىندار مەن جازۋشىلاردى قايتالاپ اۋدارىپ ۇسىنىپ وتىرادى. بٸزدە تۇرماعامبەت ٸزتٸلەۋوۆتان باستاپ, پارسى تٸلٸنەن اۋداراتىن ٷلكەن اۋدارماشىلار مەكتەبٸ قالىپتاسقان. الماتىلىق سافار ابدۋللو اۋدارعان م. ەۋەزوۆتىڭ ەڭگٸمەلەرٸ, ابايدىڭ قارا سٶزدەرٸ وسىمەن تٶرتٸنشٸ رەت شىعىپ جاتىر. سول جولدى جالعاستىرىپ, قازاق ەدەبيەتٸن پارسى وقىرماندارىنا تانىستىرا تٷسۋدٸ كٶزدەپ وتىرمىز», - دەدٸ ۇلىبەك ەسدەۋلەت.
