قازاقستاندىق رەجيسسەر تٶلەگەن بايتٶكەنوۆتىڭ تٷسٸرگەن ۆەستەرن جانرىنداعى «ساتاش» فيلمٸ بيىل قازاننىڭ 12-21 ارالىعىندا ٶتەتٸن 34-شٸ ۆارشاۆا كينوفەستيۆالٸنٸڭ «1-2 Competition» اتتى كونكۋرستىق باعدارلاماسىنا قاتىسادى, دەپ حابارلايدى قازاقپارات تٸلشٸسٸ.
فيلمدٸ قر مەدەنيەت جەنە سپورت مينيسترلٸگٸ تاپسىرىسى بويىنشا ش.ايمانوۆ اتىنداعى «قازاقفيلم» اق جارىققا شىعارعان. بۇل بايقاۋدا ەلەمنٸڭ تٷكپٸر-تٷكپٸرٸنەن كەلگەن رەجيسسەردٸڭ العاشقى نەمەسە ەكٸنشٸ رەت تٷسٸرگەن تولىقمەتراجدى كٶركەم فيلمدەرٸ كٶرسەتٸلەدٸ. ساتاش» فيلمٸ تۋعان اۋىلىنا باسىپ كٸرگەن قىلمىسكەرلەرمەن جالعىز كٷرەسكە تٷسكەن ۋچاسكەلٸك پوليتسەي تۋرالى باياندايدى.
فيلمنٸڭ باستى كەيٸپكەرٸ ساتاش ەسٸمدٸ اۋىلدىڭ ۋچاسكەلٸك پوليتسەيٸ اۋىل تۇرعىندارىنا كٷش جۇمساعان قىلمىسكەرلەرگە تٶتەپ بەرٸپ, ٶزٸنٸڭ بورىشىن سوڭىنا دەيٸن ٶتەيدٸ.«بٸزدٸڭ تٷسٸرٸلٸم توبى تٷسٸرگەن فيلمدٸ وسىنداي بەلدٸ كينوفەستيۆال تاڭداپ العانىنا قۋانىپ وتىرمىن. كارتينا كٶرەرمەندەرگە ارنالعان جانرلىق فيلم بولىپ شىققان, دەسە دە فەستيۆالدەرگە قاتىسۋعا لايىقتى بولىپ شىققانى ماڭىزدى. «ساتاش» فيلمٸ - مەنٸڭ العاشقى تولىقمەتراجدى تۋىندىم. سوندىقتان بۇل فيلمٸمە ارتىپ وتىرعان ٷلكەن جاۋاپكەشٸلٸكتٸ سەزەمٸن. قازان ايىنىڭ سوڭىندا فيلم وتىندىق پروكاتقا شىعادى. وتاندىق كٶرەرمەندەردٸڭ كٶڭٸلدەرٸنەن شىعادى دەپ ٷمٸتتەنەمٸن», - دەدٸ رەجيسسەر تٶلەگەن بايتٷكەنوۆ.
1985 جىلى قۇرىلعان ۆارشاۆا كينوفەستيۆالٸ ەلەمگە ەيگٸلٸ كانن, بەرلين جەنە ۆەنەتسييا كينوفەستيۆالدەرٸ سەكٸلدٸ FIAPF (حالىقارالىق كينوپروديۋسەرلەر قاۋىمداستىعى فەدەراتسيياسى) تٸركەۋٸنەن ٶتكەن. فەستيۆالدٸڭ ماقساتى - ەلەمدٸك كينەماتوگرافتاعى ەڭ جاڭا ەرٸ قىزىقتى جوبالارىمەن تانىستىرۋ.
«بٸزدٸڭ ماقساتىمىز, فيلمدٸ «وسكار» جٷلدەسٸن العانعا دەيٸن كٶرەرمەنگە كٶرسەتٸپ, ال رەجيسسەردٸ كانن كينوفەستيۆالٸندە ماراپاتقا يە بولعانعا دەيٸن تانىستىرۋ. بٸز ەلەمگە تانىلعان كينوگەرلەردٸڭ سوڭىنان جٷگٸرمەيمٸز. مىسالى, ميحاەل حانەكە, كريستيان مۋندجۋ, پاۆەل پاۆليكوۆسكي, اري فولمان, اسگار فارحادي سىندى باسقا دا كينوگەرلەر, اتاق-داڭققا جەتكەنگە دەيٸن بٸزدٸڭ فەستيۆالدٸڭ قوناقتارى بولعان», - دەپ اتاپ ٶتتٸ Warsaw Film Festival فەستيۆالٸنٸڭ ۇيىمداستىرۋشىلارى.
سونداي-اق ۆارشاۆا كينوفەستيۆالٸندە تەۋەلسٸز جەنە يننوۆاتسييالىق كينولارعا ارنالعان «Free Spirit», سونداي-اق دەرەكتٸ جەنە قىسقامەتراجدى فيلمدەرگە ارنالعان كونكۋرستىق باعدارلامالار بار. ال كونكۋرستان تىس باعدارلامالار شەڭبەرٸندە «پولشا كلاسسيكاسى», پولشالىق قىسقامەتراجدى فيلمدەر جەنە حالىقارالىق كينوفەستيۆالدەردە كٶرسەتٸلگەن ەلەمدٸك فيلمدەر كٶرسەتٸلەدٸ.
