ماۋنتينبايكتان قازاقسان قۇراماسىنىڭ ٶكٸلٸ دەنيس سەرگيەنكو تٷركيياداعى Dell Lago دوداسىندا ٷشٸنشٸ ورىن الدى, دەپ حابارلايدى "ۇلت اقپارات" ۇلتتىق وليمپيادا كوميتەتٸنە سٸلتەمە جاساپ.
تٷركييادا ەلەمنٸڭ مىقتى ۆەلوسپورتشىلارى جينالعان Dell Lago جارىسى مەرەگە جەتتٸ. بايراقتى بەسەكەگە قاتىسقان قازاقستاندىق سپورتشى دەنيس سەرگيەنكو جٷلدەگەرلەر قاتارىنان كٶرٸندٸ.
«مەرەگە بٸرٸنشٸ بولىپ فرانتسييالىق باپتيست ترۋنششچكا جەتتٸ. ونىڭ كوماندالاسى ۋگو ۆەيسس دەنيس سەرگيەنكودان بٸر مينۋت ەرتە كەلٸپ, ەكٸنشٸ ورىنعا جايعاستى. ال قازاقستاندىق شاكيم اديلوۆ تٶرتٸنشٸ, تەمٸرلان مۇحامەديانوۆ مەرە سىزىعىن التىنشى بولىپ كەسٸپ ٶتتٸ», دەلٸنگەن قر ۇلتتىق وليمپيادا كوميتەتٸنٸڭ حابارلاماسىندا.
ايتا كەتەيٸك, ماۋنتينبايك – حالىقارالىق سپورت جارىستارى ساناتىنا سوڭعى جىلدارى قوسىلعان ۆەلوسپورتتىڭ بٸر تٷرٸ. مۇندا ۆەلوسيپەدشٸ تاۋ-تاستاردىڭ اراسىندا جٷرٸپ, مەرە سىزىعىنا دەيٸن تٷرلٸ كەدەرگٸلەردەن ٶتەدٸ. بۇل سپورت تٷرٸ ەل ٸشٸندە «تاۋ ۆەلوسيپەدٸ» اتالىپ كەتكەن.
