Maýntinbaiktan Qazaqsan quramasynyń ókili Denis Sergienko Túrkiiadaǵy Dell Lago dodasynda úshinshi oryn aldy, dep habarlaidy "Ult aqparat" Ulttyq Olimpiada komitetine silteme jasap.
Túrkiiada álemniń myqty velosportshylary jinalǵan Dell Lago jarysy márege jetti. Bairaqty básekege qatysqan qazaqstandyq sportshy Denis Sergienko júldegerler qatarynan kórindi.
«Márege birinshi bolyp frantsiialyq Baptist Trýnshchka jetti. Onyń komandalasy Ýgo Veiss Denis Sergienkodan bir minýt erte kelip, ekinshi orynǵa jaiǵasty. Al qazaqstandyq Shakim Adilov tórtinshi, Temirlan Muhamedianov máre syzyǵyn altynshy bolyp kesip ótti», delingen QR Ulttyq Olimpiada komitetiniń habarlamasynda.
Aita keteiik, maýntinbaik – halyqaralyq sport jarystary sanatyna sońǵy jyldary qosylǵan velosporttyń bir túri. Munda velosipedshi taý-tastardyń arasynda júrip, máre syzyǵyna deiin túrli kedergilerden ótedi. Bul sport túri el ishinde «taý velosipedi» atalyp ketken.
