قازاقستاندىق جاس ۆەلوشاباندوز ەۆگەنيي گيديچ «حورۆاتييا تۋرىنىڭ» 3-شٸ كەزەڭٸنٸڭ جەڭٸمپازى اتاندى. جارىستار اۋا رايىنا بايلانىستى قىسقارتىلعان ەدٸ, دەپ حابارلايدى "ۇلت اقپارات" Sports.kz-كە سٸلتەمە جاساپ.
«بٸزدٸڭ بۇل كەزەڭگە جاقسى جوسپارىمىز بار ەدٸ, نەتيجەسٸندە بەرٸ ويداعىداي ٶتتٸ. شىندىعىندا, جاڭبىر, جەل, سۋىق, جارىستىڭ توقتاتىلۋى, سونداي-اق قايتا جالعاسۋى سالدارىنان بۇل كٷن ٶتە اۋىر بولدى. بٸراق بٸز سپورت ديرەكتورلارىنىڭ جەنە ۇجىمنىڭ بارلىق قىزمەتكەرلەرٸنٸڭ كەرەمەت جەنە ٷيلەسٸمدٸ جۇمىسىنىڭ ارقاسىندا بارلىعىنان ٷلكەن قيىندىقسىز ٶتتٸك. بەسەكە قايتا باستالعاننان كەيٸن بٸز جاعدايدى باقىلاپ, ٷنەمٸ الدا جٷرۋگە تىرىستىق. سوڭعى كەزەڭدە مەن داۆيدە ۆيلەللا مەن اندرەي زەيتسكە قوسىلىپ, كٶشباسشىلار توبىنا ورالدىم. جٸگٸتتەر سوڭعى شاقىرىمداردا ماعان ٷلكەن قولداۋ كٶرسەتتٸ, ال داۆيدە قورىتىندى شاقىرىمدا مەنٸ الىپ شىقتى. مەن بۇل جەڭٸسٸمە ٶتە ريزامىن. جەڭٸسكە جەتتٸم-اۋ! بارلىق جولداستارىما بۇل اۋىر ەرٸ كەرەمەت كٷن ٷشٸن العىسىمدى بٸلدٸرەمٸن. بۇل – ورتاق جەڭٸس!», - دەدٸ ەۆگەنيي گيديچ.
ٷشٸنشٸ كەزەڭ وكرۋگ قالاسىندا باستالدى, الايدا 20 شاقىرىمنان كەيٸن جارىس كوميسسارلارى كەزەڭدٸ اۋا رايىنىڭ جەلدٸ بولۋىنا بايلانىستى ونى توقتاتۋعا شەشٸم قابىلدادى. جارىس بٸراز ۋاقىتقا كەيٸنگە شەگەرٸلٸپ, ماكارسكا قالاسىنان مەرەگە دەيٸن 43 شاقىرىم جەردە قايتا باستالدى.
«اۋا رايى ٶتە قاۋٸپتٸ بولدى, سوندىقتان تٶرەشٸلەردٸڭ جارىستى توقتاتا تۇرىپ, ورنىن اۋىستىرۋ تۋرالى شەشٸمدەرٸ دۇرىس ەدٸ. بٸز شاباندوزداردى جاڭا جەرگە ەكەلٸپ, جىلدام 40-50 مينۋتقا جاتتىعۋ ۇيىمداستىرىپ جٸبەردٸك, سوندىقتان سپورتشىلارىمىز جارىستى جاڭارتۋعا تولىقتاي دايىن بولدى. بٸز بۇل ماۋسىمنىڭ سوڭىندا تاعى بٸر ەدەمٸ جەڭٸسكە قول جەتكٸزگەنٸمٸز ٷشٸن ريزامىز جەنە وسى جەڭٸسٸمٸزدٸ دەمەۋشٸلەرٸمٸزگە, سونىڭ ٸشٸندە, باس ەرٸپتەس «سامۇرىق-قازىناعا» ارناعىمىز كەلەدٸ», - دەدٸ «استانانىڭ» سپورتتىق ديرەكتورى سەرگەي ياكوۆلەۆ.
بۇل جەڭٸسٸنٸڭ ارقاسىندا ەۆگەنيي گيديچ «حورۆاتييا تۋرىنىڭ» ٷزدٸكتەرٸ قاتارىنا ەندٸ. ول الەكس ەدموندستى 6 سەكۋندقا, گرەگ بولەنٸ 10 سەكۋندقا ارتقا تاستادى. ال اندرەي زەيتس پەن داۆيدە ۆيللەللا سەيكەسٸنشە 10 جەنە 11 ورىندارعا ورنالاستى. «استانا» جالپى كوماندالىق ەسەپتە الدا كەتە جاتىر. «حورۆاتييا تۋرىنىڭ» تٶرتٸنشٸ كەزەڭٸ بٷگٸن ستاريگرادادان گورسكي-كوتارعا دەيٸنگٸ 155 شاقىرىمدا ٶتەتٸن بولادى.
