مەجٸلٸس تٶراعاسى نۇرلان نىعماتۋلين قازاقستاندىق ۆاكتسينا شىعارۋ بويىنشا جامبىل وبلىسىندا سالىنىپ جاتقان زاۋىتقا كٸمنٸڭ جاۋاپتى ەكەنٸن سىنعا الدى, دەپ حابارلايدى قازاقپارات.
«مينيسترلٸكتەردٸڭ قايسىسى بۇل زاۋىت ٷشٸن جاۋاپتى? لەنتالارى قيىلدى, الەكسەي ۆلاديميروۆيچ (الەكسەي تسوي – دەنساۋلىق ساقتاۋ مينيسترٸ – رەد.) PR ناۋقانىن جٷرگٸزدٸ. ەندٸ, زاۋىتتا قاشان ٶنەركەسٸپتٸك ٶندٸرٸس باستالادى? بعم «مەنٸكٸ ەمەس» دەپ وتىر. تسوي مىرزا «تەك تۇتىنۋ مەن ۇيىمداستىرۋدى» ايتادى. سوندا كٸم جاۋاپتى?», - دەدٸ نىعماتۋلين مەجٸلٸستٸڭ جالپى وتىرىسىندا.
اتالعان جۇمىستارمەن اينالىسىپ جٷرگەن ەرالى توعجانوۆ ٸسساپاردا بولعاندىقتان, سۇراققا پرەمەر-مينيستردٸڭ بٸرٸنشٸ ورىنباسارى ەليحان سمايىلوۆ جاۋاپ بەردٸ.
«سۇراۋ ٷكٸمەتكە سالىناتىن بولادى. ٷكٸمەتتە پرەمەر-مينيستر ورىنباسارى ەرالى توعجانوۆ اينالىسىپ جٷر. مينيسترلٸكتەر اراسىندا – بٸلٸم جەنە عىلىم مينيسترلٸگٸ. قازٸر بارلىق تەحنيكالىق جۇمىستارىن ەكٸمدٸك جٷرگٸزەدٸ. ولار تەحنيكالىق بٶلٸگٸن بٸتٸرگەن سوڭ, بٸلٸم جەنە عىلىم مينيسترلٸگٸنٸڭ بالانسىنا بەرٸلەدٸ», - دەپ جاۋاپ بەردٸ ە. سمايىلوۆ.
«ەزٸرگە ٶزدەرٸڭٸزگە دە تٷسٸنٸكسٸز بولىپ وتىرعانىن كٶردٸك. ەليحان اسحانۇلى (سمايىلوۆ – رەد.), ٷلكەن ٶتٸنٸش, «قويشى كٶپ بولسا, قوي ارام ٶلەدٸنٸڭ» كەرٸ بولماسىن. بۇل ٶتە ماڭىزدى جوبا. حالىق, قوعام ۆاكتسينانى كٷتٸپ وتىر. قانشا مەلٸمدەمە جاسالعان سوڭ, ەندٸ ۇيىمداستىرۋدى قولعا الىڭىزدار. ەليحان اسحانۇلى ٷكٸمەتتٸڭ جاۋاپتى ەكەنٸن ايتتى. ٷكٸمەتتە دە ناقتى ادامدار بار. سٸزدەر سۇراعان قاراجات بەرٸلدٸ. ەندٸ تاعى قوسىمشا سۇراپ وتىرسىزدار, تاعى بٶلٸنٸپ جاتىر. بەرٸ ٶزدەرٸڭٸزگە بايلانىستى, ۋاقىت جىلدام, ٶتەدٸ دە كەتەدٸ», - دەدٸ نۇرلان نىعماتۋلين.
