پاريجدە ٶتكەن فرانتسۋزدىڭ «L'Etrange Festival» كينوفەستيۆالٸ اياسىندا رەجيسسەر ەدٸلحان ەرجانوۆتىڭ فيلموگرافيياسى كٶرسەتٸلدٸ, دەپ حابارلايدى "ۇلت اقپارات" «قازاقفيلم» كينوستۋديياسىنىڭ باسپاسٶز قىزمەتٸنە سٸلتەمە جاساپ.
تۋىندىلار اراسىندا قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋديياسىندا تٷسٸرٸلگەن «ريەلتور», «ٷكٸلٸ كەمشات» جەنە «تٷن قۇدايى» فيلمدەرٸ دە بار.
رەجيسسەر ەدٸلحان ەرجانوۆتىڭ ايتۋىنشا, ونىڭ فيلمدەرٸنە فرانتسۋز كٶرەرمەنٸ اسا قىزىعۋشىلىق تانىتقان. كەلۋشٸلەر سانى كٶپ بولىپ, كەزەككە تۇرىپ كٷتكەندەر دە بولعان. سونىمەن قاتار, رەجيسسەر تٷرلٸ كەسٸبي كەزدەسۋلەر مەن سۇحباتتار ٶتكٸزگەن.
«فرانتسۋزدار ٶنەر مەن كينونى برازيلييالىقتار فۋتبولدى تٷسٸنگەندەي ۇعىنادى. ولار ٷشٸن ٶنەر - ۇلتتىق دەستٷر. سوندىقتان دا كينوداعى اۆانگارد سول جاقتان تارايدى. كينوداعى مودانى كانن مەن فرانتسييا جاسايدى. ول جاقتىڭ كٶرەرمەنٸمەن سٶيلەسۋدٸڭ ٶزٸ عانيبەت. ولار سينەفيلدەر - قازاق كينوسىندا بولىپ جاتقان دٷنيەلەردەن حاباردار. ولارعا شىنىمەن دە مەنٸڭ كينوم قىزىقتى», - دەدٸ ەرجانوۆ.
«L'Etrange Festival» شيرەك عاسىرعا جۋىق ۋاقىت ٶتكٸزٸلٸپ كەلەدٸ. بۇل فەستيۆال «ەرەكشە, قايتالانبايتىن, سيرەك, جوعارى دەڭگەيدەگٸ» فيلمدەرگە ارنالعان. فەستيۆال باعدارلاماسىندا نەگٸزگٸ بايقاۋ (لارس فون تريەردٸڭ «دجەك تۇرعىزعان ٷي» فيلمٸ كٶرسەتٸلەتٸن) مەن قىسقامەتراجدى فيلمدەردٸڭ بايقاۋىنان بٶلەك, كونكۋرستان تىس باعدارلامادا جاپون جاڭا تولقىنىنىڭ فيلمدەرٸنٸڭ كٶرسەتٸلٸمٸ, اڭىزعا اينالعان Nikkatsu اتتى جاپون ستۋديياسىنىڭ فيلمدەرٸنٸڭ رەتروسپەكتيۆاسى, سونداي-اق «جاڭا تالانتتار», «دەرەكتٸ كينو» سەكتسييالارى بار.
