بٷكٸلەلەمدٸك كاراتە فەدەراتسيياسى (WKF) توكيو وليمپياداسىندا قازىلىق جاسايتىن ٷمٸتكەرلەردٸڭ تٸزٸمٸن جاسادى. رەسمي تٷردە ۇسىنىلعان 14 تٶرەشٸنٸڭ قاتارىندا قازاقستان كاراتە فەدەراتسيياسىنىڭ ٶكٸلٸ اسقار مولداعالي دا بار دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
اسقار مولداعالي كاتا مەن كۋميتەدەن تولىق ليتسەنزيياعا يە حالىقارالىق دەرەجەدەگٸ تٶرەشٸ. ول ٶزٸنٸڭ جاستىعىنا قاراماستان, تەجٸريبەسٸ مەن كەسٸبي شەبەرلٸگٸنٸڭ ارقاسىندا ەلەمدٸك فەدەراتسييانىڭ سەنٸمٸنە كٸرگەن.
«ەرينە, بۇل ماعان عانا ەمەس, ۇلتتىق فەدەراتسييا مەن جالپى قازاقستان سپورتى ٷشٸن جاعىمدى جاڭالىق. وليمپيادا قارساڭىنداعى ەكٸ جىل تٶرەشٸلەر ٷشٸن ٶتە قيىن ٶتتٸ. ۇوك, كونفەدەراتسييا مەن مەدەنيەت جەنە سپورت مينيسترلٸگٸ, سونداي-اق, ۇلتتىق كاراتە فەدەراتسيياسىنىڭ قولداۋىمەن مەن مٷمكٸن بولعان 25 ليتسەنزييالىق تۋرنيردٸڭ بەرٸنە قاتىستىم. وليمپيادالىق تسيكل اياقتالعانشا اتقاراتىن جۇمىس كٶپ. دەگەنمەن, مەن ٷمٸتتٸ اقتاۋعا تىرىسامىن», - دەيدٸ اسقار.
تمد ەلدەرٸنٸڭ اراسىنان تەك ەكٸ تٶرەشٸ عانا تٸزٸمگە ٸلٸنگەن. ولاردىڭ بٸرٸ اسقار مولداعالي, ەكٸنشٸسٸ ەزەربايجان ٶكٸلٸ. «قازاقستاندىق تٶرەشٸنٸڭ وليمپيادا ويىندارىندا قىزمەت ەتەتٸن قازىلار قاتارىنا ەنگەنٸ وتاندىق فەدەراتسييانىڭ اۋىزبٸرشٸلٸگٸ مەن ەڭبەگٸنٸڭ كٶرٸنٸسٸ. بٸزدٸڭ تٶرەشٸلەر ەلەمنٸڭ ٷزدٸكتەرٸمەن بٸر دەڭگەيدە جۇمىس ٸستەي الاتىنىن دەلەلدەدٸ. وليمپيادا قارساڭىندا قازاقستاندىق كوماندانىڭ بارلىق مٷشەسٸ بٸر جاعادان باس, بٸر جەڭنەن قول شىعارىپ, بٸر ماقسات-مٷددە جولىندا ەڭبەك ەتتٸ. سوندىقتان, ەلەمدٸك ۇيىمنان كەلگەن بۇل جاڭالىق بەرٸمٸزدٸ قۋانتىپ تاستادى», - دەيدٸ كوماندا باس باپكەرٸ جاستالاپ ساناۋوۆ.
