فرانتسييا استاناسى پاريجدە ٶتكەن دزيۋدودان دەستٷرلٸ Grand Slam تۋرنيرٸن قازاقستاندىقتار بٸر كٷمٸس, بٸر قولا مەدالمەن اياقتادى, دەپ حابارلايدى "ۇلت اقپارات".
العاشقى قولا مەدالدٸ 60 كەلٸدە ەل نامىسىن قورعاعان ەلدوس سمەتوۆ جەڭٸپ العان بولاتىن. ول جارتىلاي فينالدا رەسەيلٸك ياگو ابدۋلادزەگە ەسە جٸبەرٸپ, قولا مەدال ٷشٸن ٶتكەن كەزدەسۋدە وڭتٷستٸك كورەيا سپورتشىسىنان باسىم تٷستٸ.
ال, كٷمٸس مەدالدٸ 73 كەلٸ سالماقتا سىنعا تٷسكەن جانساي سماعۇلوۆ جەڭٸپ الدى. ول فينالعا دەيٸن ەشكٸمگە دەس بەرمەي كەلگەن بولاتىن. اقتىق بەسەكەگە دەيٸن التى بەلدەسۋ ٶتكٸزٸپ, بارلىق قارسىلاستارىنان باسىم تٷستٸ. ٶكٸنٸشكە قاراي, «التىن» ٷشٸن سوڭعى بەلدەسۋدە جاپونييالىق سويچي حاشيميتودان «ۆاززاري» ۇپايىمەن ۇتىلىپ قالدى.
وسى ورايدا ايتا كەتەيٸك, حالىقارالىق دزيۋدو فەدەراتسيياسىنىڭ (IJF) ەرەجەسٸنە سەيكەس «Grand Slam» تۋرنيرٸنٸڭ جەڭٸمپازى مەن جٷلدەگەرلەرٸنە ەلەمدٸك رەيتينگتە ۇپاي ساندارى قوسىلادى. جەڭٸمپازعا 1000 ۇپاي, ەكٸنشٸ ورىنعا – 700, ٷشٸنشٸ ورىن العان سپورتشىعا 500 ۇپايدان بەرٸلەدٸ.
وسىلايشا, جانساي سماعۇلوۆ كٷمٸس مەدالمەن قاتار 700 ۇپايعا, ەلدوس سمەتوۆ 500 ۇپايعا يە بولدى.
