قىتايدىڭ ۋسي قالاسىنداعى سەمسەرلەسۋدەن ەلەم چەمپيوناتىنا قاتىسىپ جاتقان قازاقستاندىقتار جارىسقا ازا تۇتۋ بەلگٸسٸن تاعىپ شىقتى, دەپ حابارلايدى قازاقپارات.
«سوچي وليمپياداسىنىڭ قولا جٷلدەگەرٸ, مەنەرلەپ سىرعاناۋشى دەنيس تەننٸڭ مەزگٸلسٸز قازاسى بٷكٸل ەلەم حالقىن اۋىر قايعىعا دۋشار ەتتٸ. تالانتتى سپورتشى, اياۋلى ۇل, نامىستى وتانداسىمىزدىڭ قازاسىنا بايلانىستى ەل سپورتشىلارى ٶزدەرٸ قاتىسىپ جاتقان تۋرنيرلەرگە ازا تۇتۋ بەلگٸسٸن تاعىپ شىقپاق. قىتايدىڭ ۋسي قالاسىنداعى سەمسەرلەسۋدەن ەلەم چەمپيوناتىنا قاتىسىپ جاتقان قازاقستاندىق نوياندار جارىسقا ازا تۇتۋ بەلگٸسٸن تاعىپ شىقتى», - دەدٸ قر ۇلتتىق وليمپيادالىق كوميتەتٸنٸڭ باسپاسٶز قىزمەتٸندە.
سونداي-اق اتاپ ٶتٸلگەندەي, ەلٸمٸزدەگٸ بارلىق سپورتتىق فەدەراتسييالار ٶتكٸزەتٸن رەسمي ەرٸ رەسمي ەمەس تۋرنيرلەر بٸر مينۋتتىق ٷنسٸزدٸكپەن باستالادى.
ايتا كەتەيٸك, كەشە قازاقستان پرەمەر-ليگاسىندا ٶنەر كٶرسەتەتٸن «قايرات» جەنە «توبىل» كلۋبتارى ماتچتاعى جەڭٸسٸن دەنيس تەننٸڭ رۋحىنا ارنادى.
قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
بٷگٸن بەلگٸلٸ بولعانداي, سپورتشىنىڭ ٶلٸمٸنە قاتىسى بار ەكٸ كٷدٸكتٸنٸڭ بٸرٸ ۇستالىپ, ول قىلمىسىن مويىندادى. ەكٸنشٸ كٷدٸكتٸ - 1994 جىلى تۋعان قىزىلوردا وبلىسى, قارماقشى اۋدانى, اقاي اۋىلىنىڭ تۋماسى ارمان قۇدايبەرگەنوۆكە ٸزدەۋ جارييالاندى.
25 جاسىندا ٶمٸرٸ ٷزٸلگەن سپورتشىمەن قوشتاسۋ رەسٸمٸ 21 شٸلدە كٷنٸ الماتىداعى بالۋان شولاق اتىنداعى سپورت سارايىندا ٶتەدٸ. باستالۋى - ساعات 10:00-دە. سونداي-اق بٸر مەزگٸلدەگٸ قوشتاسۋ رەسٸمٸ 21 شٸلدە كٷنٸ استانادا قالاسىنداعى "بارىس-ارەنا" ستاديونىندا ٶتەدٸ.
