سەرگەي تكاچەنكو شاڭعىمەن تۇعىردان سەكٸرۋدەن جاسٶسپٸرٸمدەر اراسىنداعى ەلەم چەمپيوناتىندا قولا مەدال جەڭٸپ الدى. بۇل – اتالعان سپورت تٷرٸندەگٸ قازاقستاننىڭ تىرناقالدى جەڭٸسٸ.
بٸرٸنشٸ راۋندتان سوڭ 19 جاستاعى جەرلەسٸمٸز 96,5 مەتردٸ "ۇشىپ", بٸرٸنشٸ ورىندا تۇردى. ال فينالدىق بەسەكەدە سەرگەي 94,5 مەترگە دەيٸن سەكٸرٸپ, 248,9 ۇپايمەن ٷزدٸك ٷشتٸكتٸ تۇيىقتادى, دەپ حابارلادى ۇلتتىق وليمپيادالىق كوميتەتتٸڭ سايتى.
التىن جٷلدە 252,1 ۇپاي جيناعان نورۆەگييالىق توماس ماركەنگتٸڭ, كٷمٸس جٷلدە گەرمانييالىق لۋكا روتتىڭ ەنشٸسٸندە. فينالدا نەمٸس سپورتشىسى 97,5 مەترگە سەكٸرگەنٸمەن, ماركەنگتٸڭ العاشقى اينالىمدا جيعان ۇپايى كٶمەككە كەلدٸ.
قازاقستان كومانداسىنىڭ باس باپكەرٸ پاۆەل ۆاسيلەۆتٸڭ ايتۋىنشا, بۇل تاريحي جەڭٸسكە پارا-پار جٷلدە.
"تەۋەلسٸز قازاقستان تاريحىندا تۇڭعىش رەت بٸز جاسٶسپٸرٸمدەر اراسىنداعى ەلەم چەمپيوناتىنان جٷلدە الىپ وتىرمىز. ەرينە, بۇل بٸز ٷشٸن ٷلكەن جەتٸستٸك. جارىسقا نيكيتا دەۆياتكين, گلەب سافونوۆ, نۇرشات تۇرسىنجانوۆتار دا قاتىستى. بيىل بٸز العاش رەت كۆوتالار سانىن كٶبەيتٸپ, قاتىسۋشى سپورتشىلار سانىن تٶرتكە جەتكٸزدٸك. بۇرىن بٸزدٸڭ ەل اتىنان ەكٸ سپورتشىدان ارتىق قاتىسپايتىن. سونداي-اق, بٸز العاش رەت كوماندالىق تۋرنيردە باق سىنايمىز. ەلەم بويىنشا 12 كوماندا عانا قاتىساتىن تۋرنيردٸڭ فينالىنا ٶتتٸك. بۇل دا تاريحتا بٸرٸنشٸ رەت بولىپ وتىرعان جاعداي", — دەپ اتاپ ٶتتٸ باس باپكەر.
"قازٸرگٸ قۋانىشىمدا شەك جوق. ەلٸمٸزدٸڭ بايراعىن ەلەمدٸك سىندا كٶتەرگەنٸم ٷشٸن ەرەكشە باقىتتىمىن", — دەيدٸ سەرگەي تكاچەنكو.
