بەيجٸڭ وليمپياداسىندا 1500 مەترگە جارىسۋدان قولا جٷلدەگەر اتانعان رەسەيلٸك سەمەن ەليستراتوۆ سوڭعى بٸر جىلدا قازاقستان كومانداسىمەن بٸرگە دايىندالىپ, وقۋ-جاتتىعۋ جيىنىن ٶتكٸزۋدە. Olympic.kz سايتىنا سۇحبات بەرگەن سپورتشى قازاقستاندىق ەرٸپتەستەرٸنە العىسىن بٸلدٸردٸ, دەپ حابارلايدى "ۇلت اقپارات".
ەسكە سالا كەتەيٸك, سەمەنمەن بٸرگە فينالدا جارىسقان سپورتشىلار قاتارىندا ەدٸل عالياحمەتوۆ تە بار.
«بٸزگە وليمپيادا قارساڭىندا جاعداي جاساعانى ٷشٸن قازاق حالقىنا تٸزەمدٸ بٷگٸپ, العىس ايتامىن. قازاقستاننىڭ ۇلتتىق وليمپيادالىق كوميتەتٸنە شەكسٸز راحمەتٸمدٸ بٸلدٸرەمٸن. قاڭتار ايىندا ەلدە تەرتٸپسٸزدٸك باستالعان كەزدە بٸزدٸ ستاديونعا جاۋىپ تاستاپ, الاڭسىز دايىندالۋىمىزعا بار كٷشٸن سالدى.
شورت-ترەكتەن قازاقستان كومانداسىنا, ەدٸل, دەنيس, ابزالعا, مەنٸمەن بٸرگە جاتتىققان بارشا قىز-جٸگٸتتەرگە العىسىم زور. مەنٸڭ جاتتىقتىرۋشىم ماكسيموۆ اندرەي يۆانوۆيچ سوڭعى بٸر جىلدا قازاقستان كومانداسىنىڭ كەڭەسشٸ باپكەرٸ قىزمەتٸن اتقارۋدا. مەن دە باپكەرٸمنٸڭ سوڭىنان كەلدٸم. قازاقستاندىق شورت-ترەكشٸلەر العا باسىپ كەلەدٸ.
مەسەلەن, ەدٸل ٶزٸنٸڭ العاشقى وليمپياداسىندا فينالعا شىقتى. مەن وعان ٷنەمٸ: «ەدٸل, جۇمىس ٸستە, ەڭبەكتەن, سول كەزدە سەن دە تۇعىرعا شىعاسىڭ», - دەپ جيٸ ايتاتىنمىن. ٶيتكەنٸ, ونىڭ كٶزدەرٸنەن جاس كەزدەگٸ ٶزٸمدٸ كٶرەمٸن. سپورتشىلاردىڭ بولاشاعى زور. بارشا قازاق حالقىنا ٷلكەن راحمەت», - دەدٸ ەليستراتوۆ.
*ماكسيموۆ اندرەي يۆانوۆيچ 2021 جىلدىڭ 1 قاڭتارىنان بەرٸ شورت-ترەكتەن قازاقستان كومانداسىنىڭ كەڭەسشٸ باپكەرٸ قىزمەتٸن اتقارۋدا. ول - وليمپيادا چەمپيونى (2014) جەنە وليمپيادانىڭ ەكٸ دٷركٸن قولا جٷلدەگەرٸ (2018,2022) سەمەن ەليستراتوۆتىڭ جەكە جاتتىقتىرۋشىسى.
