قازاقستاندىق شاحماتشىلار بٷگٸننەن باستاپ دٷنيەجٷزٸلٸك ونلاين وليمپيادادا ٶنەر كٶرسەتەدٸ. بٸزدٸڭ سپورتشىلار 21-23 تامىز ارالىعىندا ەلەمدەگٸ ەڭ مىقتى كوماندالارمەن كٷش سىناسادى, دەپ حابارلايدى "ۇلت اقپارات" قازاقستان شاحمات فەدەراتسيياسىنا سٸلتەمە جاساپ.
شٸلدە ايىنىڭ بٸرٸنشٸ جارتىسىندا حالىقارالىق شاحمات فەدەراتسيياسى (FIDE) تاريحتا تۇڭعىش رەت شاحماتتان دٷنيەجٷزٸلٸك وليمپيادانىڭ ونلاين فورماتتا ٶتكٸزٸلەتٸنٸن حابارلادى. ويىندار 2020 جىلدىڭ 22 شٸلدەسٸنەن 30 تامىزىنا دەيٸن ٶتەدٸ.
ونلاين وليمپيادا 2020 - فيدە ۇيىمىنا مٷشە ەلدەردٸڭ ۇلتتىق قۇرامالارى اراسىنداعى جالپى كوماندالىق جارىس.
جارىس chess.com ويىن الاڭىندا ۇيىمداستىرىلادى جەنە ەكٸ نەگٸزگٸ كەزەڭنەن تۇرادى: «ديۆيزيوندار» جەنە «پلەي-وفف». وعان 163 ۇلتتىق قۇراما كوماندا جەنە ەلەمنٸڭ 1500-دەن استام ٷزدٸك شاحماتشىسى قاتىسادى.
ەر كوماندا قۇرامىندا التى نەگٸزگٸ جەنە التى رەزەرۆتٸك ويىنشى, سونىمەن قاتار كوماندا كاپيتانىنان تۇرادى. بٸرٸنشٸ قادامنان باستاپ ەر جٷرٸسكە 15 مينۋت + 5 سەكۋند بەرٸلەدٸ.
نونا گاپرينداشۆيلي كۋبوگىنىڭ كٶرسەتكٸشتەرٸنە سەيكەس, 2018 جىلى باتۋمي قالاسىندا ٶتكەن سوڭعى وليمپيادانىڭ نەتيجەسٸ بويىنشا, ونلاين وليمپيادانىڭ «جوعارعى ديۆيزيون» قاتارىنا ەلەمنٸڭ 5 ٷزدٸك ۇلتتىق قۇراماسى (ٷندٸستان, قىتاي, رەسەي, ۋكراينا, اقش), تٶرت كونتينەنتتەن 5 ٷمٸتكەر كوماندا مەن ٸرٸكتەۋ كەزەڭٸنەن ٶتكەن 15 كوماندا ەنگٸزٸلدٸ.
ازييانىڭ شاحمات فەدەراتسيياسى قازاقستان قۇراماسىن جوعارعى ديۆيزيونعا ۇسىندى, بۇل توپتا بٸزدٸڭ شاحماتشىلار 21-23 تامىز ارالىعىندا ەلەمدەگٸ ەڭ مىقتى كوماندالارمەن كٷش سىناسادى. جوعارى ديۆيزيوننىڭ 40 كومانداسى 4 توپقا بٶلٸنٸپ, ەرقايسىسىندا اينالما تۋرنيرٸ ٶتكٸزٸلەدٸ. ەر توپتان ٷزدٸك ٷشتٸك: ٸرٸكتەۋ كەزەڭٸنەن, شيرەك فينالدان, جارتىلاي فينالدان جەنە فينالدان تۇراتىن پلەي-وفف كەزەڭٸنە ٶتەدٸ.
ونلاين-وليمپياداعا قازاقستاننىڭ ەرلەر قۇراماسىنان حالىقارالىق گروسسمەيستەرلەر رينات جۇماباەۆ, مۇرتاس قاجعالەەۆ, رۋستام حۋسنۋتدينوۆ جەنە انۋار يسماعامبەتوۆ, حالىقارالىق سپورت شەبەرٸ دەنيس ماحنەۆ جەنە فيدە شەبەرٸ رامازان جالماحانوۆ قاتىسادى.
ەلٸمٸزدٸڭ ەيەلدەر قۇراماسىنان حالىقارالىق ەيەلدەر گروسسمەيستەرلەرٸ جانسايا ەبدٸمەلٸك, بيبٸسارا اساۋباەۆا, گٷلٸسحان ناحباەۆا جەنە گٷلميرا دەۋلەتوۆا, ەيەلدەر اراسىنداعى حالىقارالىق سپورت شەبەرٸ ەسەل سەرٸكباي جەنە ەيەلدەر اراسىنداعى فيدە شەبەرٸ مەرۋەرت كاماليدەنوۆا قاتىسادى.
كوماندا كاپيتانى – حالىقارالىق گروسسمەيستەر پاۆەل كوتسۋر.
بٸزدٸڭ كوماندانىڭ ەڭ جاقىن قارسىلاستارى - ەزەربايجان, ۆەنگرييا, وڭتٷستٸك افريكا رەسپۋبليكاسى, ۋكراينا, سلوۆاكييا, يسپانييا, نورۆەگييا, فرانتسييا جەنە نيدەرلاند.
جارىستىڭ بٸرٸنشٸ كٷنٸ, 21 تامىزدا قازاقستان قۇراماسى سلوۆاكييا, نيدەرلاند (توپ-گروسسمەيستەر انيش گيري جەتەكشٸلٸك ەتەتٸن) جەنە يسپانييا كوماندالارىنا قارسى وينايدى.
جارىستىڭ ترانسلياتسيياسى تۋرنيردٸڭ Olymp.FIDE.com ۆەب-سايتىندا, ەلەمنٸڭ بارلىق تانىمال تٸلدەرٸندە جٷرگٸزٸلەدٸ.
