قازاقستاندىق پاراتاەكۆوندوشى, ەلەمنٸڭ ەكٸ دٷركٸن چەمپيونى نىشان ٶمٸرەلٸ توكيوداعى پاراليمپيادا-2020 ويىندارىنداعى العاشقى كەزدەسۋٸن ٶتكٸزدٸ, دەپ حابارلايدى قازاقپارات Sports.kz-كە سٸلتەمە جاساپ.
1/8 فينالدا 75 كەلٸدەن جوعارى سالماق دەرەجەسٸندە ٶمٸرەلٸنٸڭ قارسىلاسى كوستا-ريكادان كەلگەن سپورتشى اندرەس ەستەبان مولينا بولدى. كەزدەسۋ 12:6 ەسەبٸمەن مولينانىڭ جەڭٸسٸمەن اياقتالدى. ول نەگٸزگٸ جارىستاعى ويىنىن جالعاستىرادى, قازاقستاندىق سپورتشى قولا مەدال ٷشٸن جۇبانىش تۋرنيرٸنە قاتىسادى.
ەسكە سالا كەتەيٸك, اتالعان پاراليمپيادا ويىندارىندا قازاقستان قۇراماسى بەس مەدال, اتاپ ايتقاندا, بٸر التىن, ٷش كٷمٸس جەنە بٸر قولا الدى. جارىس 5 قىركٷيەكتە اياقتالادى.
