قازاقستاندىق پاراتاەكۆوندوشى مەلٸك مۇقاشەۆ ىستانبۇلدا مەرەگە جەتكەن ەلەم چەمپيوناتىندا جەڭٸمپاز اتاندى, دەپ حابارلايدى قازاقپارات تٸلشٸسٸ.
باپكەرٸ ەربول مەرعاليەۆتٸڭ ايتۋىنشا, مەلٸك مۇقاشەۆ 80 كگ سالماقتا الدىمەن تٷرٸك سپورتشىسىن ۇتتى.
فينالدا رەسەيلٸك پاراتاەكۆوندوشىمەن شىعىپ, ەكٸ سەكۋند قالعاندا, قارسىلاسىن 41:39 ەسەبٸمەن جەڭدٸ.
مەلٸك بۇعان دەيٸن ەلەم بٸرٸنشٸلٸگٸندە جەتٸ جىلدان بەرٸ باق سىناپ, ٷزدٸك نەتيجەسٸ – بەسٸنشٸ ورىنمەن شەكتەلگەن ەدٸ. بيىل مەلٸك مۇقاشەۆ ازييا, ەۋروپا بٸرٸنشٸلٸگٸ, قازاقستان سپارتاكياداسى, ەندٸ, مٸنە, ەلەم چەمپيوناتىندا جەڭٸس تۇعىرىنا كٶتەرٸلٸپ, تٶرت التىن مەدالدٸ جەڭٸپ الىپ وتىر.
بقو دەنە شىنىقتىرۋ جەنە سپورت باسقارماسىنان الىنعان مەلٸمەتكە قاراعاندا, مەلٸك مۇقاشەۆ 1986 جىلى ورال قالاسىندا دٷنيەگە كەلگەن.
تەرەكتٸ اۋدانى پودستەپنىي اۋىلىندا ورتا مەكتەپتە بٸلٸم العان. 1998 جىلى بٶرلٸ اۋدانى ورتالىعى اقساي قالاسىنا قونىس اۋدارعان. 2000 جىلى توك سوعىپ, قاتتى كٷيٸك الىپ, ەكٸ قولىنان ايىرىلعان. اقسايداعى №3 ورتا مەكتەپتٸ, سوسىن 2006 جىلى ورال قالاسىنداعى قارجى-ەكونوميكالىق كوللەدجٸن بۋحگالتەرلٸك ەسەپ جەنە اۋديت ماماندىعى بويىنشا بٸتٸرگەن. باتىس قازاقستان ينجەنەرلٸك-تەحنولوگييالىق ۋنيۆەرسيتەتٸندە جوعارى بٸلٸم الىپ, دەنە شىنىقتىرۋ پەنٸنٸڭ مۇعالٸمٸ اتاندى.
2014 جىلدان باستاپ تاەكۆاندو جاتتىقتىرۋشىسى ەربول مەرعاليەۆتٸڭ قولاستىندا جاتتىعىپ كەلەدٸ. سول جىلى پاراتاەكۆاندودان ەۋروپا اشىق چەمپيوناتىندا قولا جٷلدەگە يە بولدى. 2016-2018 جىلدارى ازييا چەمپيوناتىنىڭ ٷش دٷركٸن جٷلدەگەرٸ اتاندى. 2019 جىلى ەۋروپا چەمپيونى اتاعىنا قول جەتكٸزدٸ.
بيىل ليۆان استاناسى بەيرۋت قالاسىندا ٶتكەن VI ازييا چەمپيوناتىندا ٷزدٸك شىققان بقو مٷمكٸندٸكتەرٸ شەكتەۋلٸ ادامدارعا ارنالعان سپورت كلۋبىنىڭ سپورتشىسى, بٶرلٸلٸك مەلٸك مۇقاشەۆقا تٸرەك-قيمىل اپپاراتى زاقىمدالعان سپورتشىلار اراسىندا پاراتاەكۆوندودان حالىقارالىق دەرەجەدەگٸ سپورت شەبەرٸ اتاعى بەرٸلدٸ.
