قازاقستاندىق ەركٸن كٷرەس پالۋانى دەۋلەت شابانباي لوندون-2012 قولا مەدالٸن يەلەندٸ, - دەپ حابارلايدى Tengrinews.kz اگەنتتٸگٸ Olympic.kz سايتىنا سٸلتەمە جاساپ.
ماراپاتتى سالتاناتتى تٷردە تاپسىرۋ رەسٸمٸ بەلگرادتاعى كٷرەستەن ەلەم چەمپيوناتىندا ٶتكەن. سپورتشى مەدالدٸ بٸرٸككەن كٷرەس ەلەمٸنٸڭ (UWW) باسشىسى, حوك اتقارۋشى كوميتەتٸنٸڭ مٷشەسٸ نەناد لالوۆيچتٸڭ قولىنان العان.
"قىمباتتى دوستار, تۋعان حالقىم, قازاقستانىم. اللاعا شٷكٸر, كٶپتەن كٷتكەن مەدالدٸ الدىم! حالىقارالىق وليمپيادا كوميتەتٸنە, نەناد لالوۆيچ مىرزاعا, بٸرٸككەن كٷرەس ەلەمٸنٸڭ پرەزيدەنتٸنە, قازاقستان رەسپۋبليكاسى ۇلتتىق وليمپيادا كوميتەتٸنٸڭ, ۇلتتىق فەدەراتسييانىڭ باسشىلىعىنا ريزامىن. بارلىعى مەنٸ جەكە قۇتتىقتاعانىنا قاتتى قۋانىشتىمىن. بٸزدٸڭ سپورتشىلار چەمپيون بولسىن. دايىندالىڭدار, جٸگٸتتەر!" - دەدٸ دەۋلەت شابانباي.
"دەۋلەتتٸڭ ماراپاتى ون جىلدان كەيٸن دە سپورتشىنىڭ كٷش-جٸگەرٸ مەن شەبەرلٸگٸنٸڭ, سونداي-اق, بٷكٸل كوماندانىڭ تيٸمدٸ جۇمىسىنىڭ كٶرٸنٸسٸ سانالادى. ونى باعالاماۋعا بولمايدى. بۇل - بٸزدٸڭ پالۋاننىڭ زاڭدى ٷشٸنشٸ ورنى. بٸرٸككەن كٷرەس ەلەمٸنە وليمپيادا مەدالٸن بەرۋ شاراسىن ۇيىمداستىرعانى ٷشٸن العىسىمدى بٸلدٸرەمٸن", - دەدٸ قازاقستان ۇلتتىق وليمپيادا كوميتەتٸنٸڭ باس حاتشىسى اندرەي كريۋكوۆ.
سپورتشى ماراپاتتار قايتا بٶلٸنگەننەن كەيٸن وليمپيادا ويىندارىنىڭ جٷلدەگەرلەرٸ قاتارىنا ەنگەن. لوندونداعى وليمپيادادا دەۋلەت شابانباي 120 كەلٸگە دەيٸنگٸ سالماق دەرەجەسٸندەگٸ ويىندى بەسٸنشٸ ورىندا اياقتاعان. الايدا 2019 جىلى دوپينگ-سىنامالار قايتا تەكسەرٸلگەننەن كەيٸن گرۋزين پالۋانى داۆيد مودزماناشۆيلي مەن ارتۋر تايمازوۆ (ٶزبەكستان) تىيىم سالىنعان زاتتاردى قولدانعانىنا بايلانىستى سوتتالعان.
بارلىق سىناقتان كەيٸن وسى سپورتشىلاردى شەتتەتۋ, ولاردىڭ لوندونداعى وليمپيادادا كٶرسەتكەن نەتيجەلەرٸن جويۋ تۋرالى شەشٸم قابىلدانعان. وسىلايشا, دەۋلەت شابانباي ويىنداردىڭ قولا جٷلدەگەرٸ اتانعان.
ايتا كەتەيٸك, دەۋلەت شابانباي - ازييا چەمپيوناتىنىڭ تٶرت دٷركٸن قولا جٷلدەگەرٸ (2008, 2009, 2011, 2014). سونداي-اق, ول 2014 جىلى ازييا ويىندارىنىڭ كٷمٸس مەدالٸنە يە بولعان.
