قر مەدەنيەت جەنە سپورت مينيسترلٸگٸنە قاراستى «قازاقكونتسەرت» مەملەكەتتٸك كونتسەرتتٸك ۇيىمىنىڭ «سوليستەر اكادەميياسى» كامەرالىق وركەسترٸ ٷستٸمٸزدەگٸ جىلى شٸلدەنٸڭ 30-ى كٷنٸ يتالييا ەلٸنە گاسترولدٸك ساپارعا اتتانعان بولاتىن. شىعارماشىلىق ۇجىم تامىزدىڭ 1-دە العاشقى كونتسەرتٸن كاپري قالاسىندا بەرسە, تامىزدىڭ 2-دە اريانو يرپينو قالاسىندا ٶنەر كٶرسەتتٸ.
«سوليستەر اكادەميياسىنىڭ» رەپەرتۋارىنداعى ا.پياتسوللانىڭ «جىل مەزگٸلدەرٸ» مەن پ.ساراساتەنٸڭ «سىعان ىرعاقتارى», ە.گريگتٸڭ «حولبەرگ مەزگٸلدەرٸ سيۋيتاسى», ك.سەن-سانس ينترودۋكتسيياسى مەن روندا كاپريچچيوزوسى يتالييالىق تالعامپاز تىڭدارمانداردىڭ كٶڭٸلٸنەن شىقتى. وركەستردٸڭ كٶركەمدٸك جەتەكشٸسٸ قر حالىق ەرتٸسٸ ايمان مۇساحودجاەۆا, ال ديريجەرى ەيگٸلٸ حەسۋس مەدينا (مەكسيكا). وركەستر سوليستەرٸ حالىقارالىق كونكۋرستاردىڭ لاۋرەاتى, «دارىن» جاستار سىيلىعىنىڭ لاۋرەاتى, كونتسەرتمەيستر اسقار دٷيسەنباەۆ پەن حالىقارالىق كونكۋرستاردىڭ لاۋرەاتى شىنار بارلىقوۆا.
قازاقستاندىق ٶنەر ۇجىمى ەلٸ دە يتالييانىڭ چيللەنتو, كازال-ۆەلينو, سوررەنتو قالالارىنا ساپارلاپ, تامىزدىڭ 16-ى ەلگە ورالادى. ال تامىزدىڭ 20-ى كٷنٸ ەلوردامىزداعى «قازاقستان» وكز «سوليستەر اكادەميياسى» «مەڭگٸلٸك قوزعالىس» اتتى قورىتىندى كونتسەرت قويادى. كونتسەرتتە XVIII-XX عاسىرلارداعى ۇلى كومپوزيتورلاردىڭ شىعارمالارى ورىندالادى.
