فوتو: ۆيدەودان سكرينشوت
قازاقستاندا نەمٸس ۇلتىنان شىققان قارييانىڭ جەرلەۋ رەسٸمٸنەن ۆيدەو ەلەۋمەتتٸك جەلٸدە كەڭ تارادى. ەجەيدٸ مۇسىلماندىق دەستٷر بويىنشا جەرلەگەن, دەپ حابارلايدى Ult.kz.
ستاليندٸك قۋعىن-سٷرگٸندٸ, دەپورتاتسييانى باستان كەشكەن, تٷپ-تامىرى نەمٸس, بٸراق قازاق وتباسىنان پان تاپقان ەيەلدٸڭ تاعدىرى Instagram قولدانۋشىلارىن تەرەڭ تولقىتتى.
قارييانىڭ نەمەرەسٸنٸڭ ايتۋىنشا, ەجەسٸ فريدا قازاقستانعا بالا كەزٸندە كەلگەن. ەكەسٸ «وتانعا وپاسىزدىق جاسادى» دەگەن جالامەن اتىلعان. ال اناسىن «حالىق جاۋى» رەتٸندە تۇتقىنداعان. فريدا ەجەي مەن ونىڭ اعاسىن قازاقستانعا دەپورتاتسييالاعان. نەمەرەسٸنٸڭ سٶزٸنشە, ولار قازاقستانعا كەلە جاتقاندا فريدا اعاسىمەن بٸرگە ۆاگوننان تٷسٸپ, تاماق الۋعا شىققان سەتتە پويىز جارىلىپ كەتٸپ, اعالى-قارىنداس كەزدەيسوق امان قالعان. ول كەزدە فريدا نەبەرٸ جەتٸ جاستا ەدٸ. كەيٸن ونى قازاق وتباسى اسىراپ الادى.
18 جاسىندا فريدا قازاق جٸگٸتٸنە تۇرمىسقا شىعىپ, كٷيەۋٸنٸڭ قالاۋىمەن يسلام دٸنٸن قابىلداپ, فاريدا ەسٸمٸن العان. ول ۇزاق تا باقىتتى ٶمٸر سٷرٸپ, توعىز بالا ٶسٸرگەن, كٶپتەگەن نەمەرە-شٶبەرە سٷيگەن.
«بٷگٸن مەن جاي عانا اپاشىممەن قوشتاسپايمىن… بٷگٸن مەن بالالىعىممەن قوشتاسىپ تۇرمىن», — دەپ جازدى نەمەرەسٸ Instagram-پاراقشاسىندا ۆيدەو جارييالاپ.
ول ەجەسٸنٸڭ مەيٸرٸمٸ, قامقورلىعى, ەڭبەكقورلىعى جەنە جەردٸ سٷيۋگە ٷيرەتكەنٸ, اۋىلداعى تاماشا جىلدارى مەن باقىتتى جازعى كانيكۋلدار تۋرالى ەستەلٸكتەرٸمەن بٶلٸستٸ.
«ارتىڭدا ٶلشەۋسٸز ماحاببات قالدىردىڭ. ال مەنٸڭ ٸشٸمدە سەن ەردايىم ٶمٸر سٷرەسٸڭ — جادىمدا, ەدەتتەرٸمدە, جٷرەگٸمدە», — دەپ جازدى ول.
سونداي-اق ول ەجەسٸنە «بالالىق شاعى, بەرگەن ماحابباتى جەنە ٷيرەتكەن بارلىق دٷنيەسٸ» ٷشٸن العىس بٸلدٸردٸ.
بۇل جارييالانىم Instagram قولدانۋشىلارىنىڭ زور ىقىلاسىن تۋدىرىپ, مىڭداعان قارالىم مەن جٷرەككە جەتكەن پٸكٸرلەر جينادى.
