قازاقستاندىق جاس ٶنەرپاز مەيٸرجان جيدەباي رەسەيدٸڭ «گولوس. دەتي» تەلەشوۋىنىڭ فينالىندا ٶنەر كٶرسەتتٸ, - دەپ حابارلايدى "ۇلت اقپارات".
شوۋدىڭ سوڭعى كەزەڭٸندە ٷش تەلٸمگەر - پولينا گاگارينا, ۆالەرييا مەلادزە جەنە رەپەر باستا ٸرٸكتەپ العان ٷزدٸك ٶنەرپاز بالالار ساحناعا شىقتى.
بٸرٸنشٸ بولىپ ۆالەرييا مەلادزە جەتەكشٸلٸك ەتەتٸن ٷش بالا ٶنەر كٶرسەتتٸ. ولار: كريستينا سيللەر, كيريلل الەكساندروۆ جەنە سوفيا تۋمانوۆا. داۋىس بەرۋ ارقىلى سوفيا اقتىق سىنعا جولداما الدى.
ەكٸنشٸ بولىپ پولينا گاگارينا باپتاعان بالاقايلار ەن سالدى. ولار: مەيٸرجان جيدەباي, ارتەم فوكين جەنە ارتەم موروزوۆ. مەيٸرجان سەلين ديوننىڭ I Surrender ەنٸن شىرقادى. الايدا اقتىق سىنعا ارتەم فوكين ٶتتٸ.
باستانىڭ كومانداسىنان سوفيا لورەت, يۆان كۋرگالين جەنە ولەسيا كازاچەنكو ەسٸمدٸ ەنشٸ بالالار ٶنەر كٶرسەتتٸ. بۇل ٷشتٸكتەن بوني تايلەردٸڭ Total Eclipse of the Heart ەنٸن شىرقاعان كازاچەنكو سۋىرىلىپ شىقتى.
وسىلايشا فينالدىق سىندا سوفيا تۋمانوۆا, ارتەم فوكين, ولەسيا كازاچەنكو سايىسقا تٷستٸ.
اقتىق سىندا اللا پۋگاچەۆانىڭ «ميلليون الىح روز» ەنٸن شىرقاعان ولەسيا كازاچەنكو ٷزدٸك دەپ تانىلىپ, بيىلعى ماۋسىمنىڭ جەڭٸمپازى اتاندى. ول كٶرەرمەندەر داۋىسىنىڭ 35,7 پروتسەنتٸن جيناعان بولاتىن.
ەستەرٸڭٸزگە سالا كەتەيٸك, بىلتىر «گولوس. دەتي» بايقاۋىنىڭ 6 ماۋسىمى مەرەگە جەتكەندە شۋ شىققان بولاتىن. ەنشٸ السۋدىڭ قىزى ميكەللا ابراموۆا 56,6 پروتسەنت, ونىڭ قارسىلاستارى قازاقستاندىق ەرجان ماكسيم 27, ۆالەريي كۋزاكوۆ 15 پروتسەنت داۋىس جيناعان بولاتىن. بۇنداي الشاقتىق كٶرەرمەندەردٸڭ اشۋىن تۋعىزىپ, ولار داۋىس بەرۋ كەزٸندە ەدٸلەتسٸزدٸككە جول بەرٸلدٸ دەپ ۇيىمداستىرۋشىلاردى ايىپتاعان ەدٸ.
ارادا بٸر جىل ٶتكەندە رەسەيدٸڭ بٸرٸنشٸ ارناسىنىڭ (پەرۆىي كانال) باسشىلىعى «گولوس. دەتي» بايقاۋى 6-ماۋسىمىنىڭ فينالدىق نەتيجەلەرٸن جويىپ, قايتادان فينالدىق سايىس ٶتكٸزدٸ. ول جولى اقتىق سىنعا شىققان ٶنەرپازداردىڭ بەرٸنە جەڭٸمپاز دەگەن اتاق بەرٸلدٸ.
