18 جاستاعى قۇرالاي مەيرامبەكتٸڭ "گولوس" ("Qazaqstan داۋىسى") شوۋىنداعى ٶنەرٸ Best of The Voice ەلەمدٸك رەيتينگٸنە ەندٸ, - دەپ حابارلايدى Tengrinews.kz اگەنتتٸگٸ.
YouTube-تا ەلەمنٸڭ تٷكپٸر-تٷكپٸرٸنەن The Voice شوۋىنا قاتىسۋشىلاردىڭ ەڭ جاقسى نٶمٸرلەرٸ جينالدى. وسى اپتانىڭ رەيتينگٸنە سوقىر تىڭدالىم كەزٸندە قازىلار القاسىن داۋسىمەن تەنتٸ ەتكەن قىزىلوردا وبلىسىنىڭ تۋماسى كٸردٸ. بويجەتكەن "قورقىت-قوبىز" كومپوزيتسيياسىن ورىنداپ, وعان تٶرت تەلٸمگەر دە بۇرىلدى. قۇرالاي سەكەن مايعازيەۆتٸڭ كومانداسىنا باردى.
قۇرالاي مەيرامبەك بەس جاسىنان ەن ايتادى, ول - "بوتاقان" بايقاۋىنىڭ جەڭٸمپازى. قازٸر ورىنداۋشى قازاق ۇلتتىق ٶنەر ۋنيۆەرسيتەتٸندە "ارت-مەنەدجمەنت" ماماندىعى بويىنشا وقيدى.
"ٸرٸكتەۋگە باسقالار سيياقتى بيىل مامىردا كەلدٸم. "Qazaqstan داۋىسىنا" العاش قاتىسۋىم. تىڭدالىمعا "قورقىت-قوبىز" ەنٸن تاڭدادىم, سەبەبٸ قىزىلوردا وبلىسىنىڭ تۋماسىمىن, ەن جٷرەگٸمە جاقىن. بٸرٸنشٸ كەزەڭنەن ٶتتٸم, قازٸر ەكٸنشٸسٸنە دايىندالىپ جاتىرمىن", - دەيدٸ قىز.
2011 جىلى جاس ورىنداۋشى يسپانييانىڭ للورەت-دە-مار قالاسىندا ٶتكەن حالىقارالىق بايقاۋدا بٸرٸنشٸ ورىن العان. سونىمەن قاتار, سول جىلى ول ۆيتەبسكٸدەگٸ "سلاۆيان بازارى" حالىقارالىق بالالار بايقاۋىندا بٸرٸنشٸ ورىن الىپ, ارنايى سىيلىققا يە بولعان. قۇرالاي موزامبيكتە ٶتكەن IFLC Mozambique بايقاۋىنا دا قاتىسقان, 2015 جىلى رۋمىن-تٷركٸ وليمپياداسىندا جەڭٸسكە جەتكەن.
قىز بولاشاقتا حالىقارالىق دەڭگەيگە شىعىپ, حالىقارالىق شوۋلارعا قاتىسۋدى جەنە وندا قازاقستان مەدەنيەتٸن تانىستىرۋدى جوسپارلاپ وتىرعانىن اتاپ ٶتتٸ.
