18 jastaǵy Quralai Meirambektiń "Golos" ("Qazaqstan daýysy") shoýyndaǵy óneri Best of The Voice álemdik reitingine endi, - dep habarlaidy Tengrinews.kz agenttigi.
YouTube-ta álemniń túkpir-túkpirinen The Voice shoýyna qatysýshylardyń eń jaqsy nómirleri jinaldy. Osy aptanyń reitingine soqyr tyńdalym kezinde qazylar alqasyn daýsymen tánti etken Qyzylorda oblysynyń týmasy kirdi. Boijetken "Qorqyt-qobyz" kompozitsiiasyn oryndap, oǵan tórt tálimger de buryldy. Quralai Sáken Maiǵazievtiń komandasyna bardy.
Quralai Meirambek bes jasynan án aitady, ol - "Botaqan" baiqaýynyń jeńimpazy. Qazir oryndaýshy Qazaq ulttyq óner ýniversitetinde "art-menedjment" mamandyǵy boiynsha oqidy.
"Irikteýge basqalar siiaqty biyl mamyrda keldim. "Qazaqstan daýysyna" alǵash qatysýym. Tyńdalymǵa "Qorqyt-qobyz" ánin tańdadym, sebebi Qyzylorda oblysynyń týmasymyn, án júregime jaqyn. Birinshi kezeńnen óttim, qazir ekinshisine daiyndalyp jatyrmyn", - deidi qyz.
2011 jyly jas oryndaýshy Ispaniianyń Lloret-de-Mar qalasynda ótken halyqaralyq baiqaýda birinshi oryn alǵan. Sonymen qatar, sol jyly ol Vitebskidegi "Slavian bazary" halyqaralyq balalar baiqaýynda birinshi oryn alyp, arnaiy syilyqqa ie bolǵan. Quralai Mozambikte ótken IFLC Mozambique baiqaýyna da qatysqan, 2015 jyly rýmyn-túrki olimpiadasynda jeńiske jetken.
Qyz bolashaqta halyqaralyq deńgeige shyǵyp, halyqaralyq shoýlarǵa qatysýdy jáne onda Qazaqstan mádenietin tanystyrýdy josparlap otyrǵanyn atap ótti.
