استانادا قىتاي ازاماتىمەن تانىسۋعا دايىن قىزدار مەن ەيەلدەر توبىن جيناستىرىپ جاتىر. وسىنداي مازمۇنداعى حابارلاما Facebook ەلەۋمەتتٸك جەلٸسٸندەگٸ "دوسكا وبياۆلەنيي الماتى, استانا" پابليگٸندە جارييالانعان, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ. بەيجٸڭنەن كەلگەن دٶكەي جٸگٸتتەر توبى قازاقستاندىق قىزدار مەن شىنايى قارىم-قاتىناس قۇرۋ ٷشٸن كەلە جاتقانى ايتىلادى.
"18-40 جاس ارالىعىنداعى باسى بوس قىزدار! بەيجٸڭ تۇرعىنى, بويداق ەر جٸگٸتكە تۇرمىسقا شىققىڭىز كەلە مە? بٸزگە حابارلاسىڭىز. بەيجٸڭنٸڭ دٶكەي جٸگٸتتەر توبى استاناعا وتباسىن قۇرۋ ٷشٸن كەلە جاتىر. ارنايى بٸرنەشە شارالار دايىندالىپ جاتىر. ەر ادامدار باقۋاتتى ٶمٸر سٷرەدٸ, ەۋروپالىق بٸلٸمٸ بار, اعىلشىن, ورىس تٸلدەرٸن جەتٸك مەڭگەرگەن", - دەلٸنگەن حابارلاندىرۋدا.
وسى شاراعا قاتىسۋ ٷشٸن 15-25 مىڭ ارالىعىندا تٶلەۋ قاجەت ەكەنٸ دە ايتىلادى. سونىمەن قاتار, قالىڭدىق ٸزدەۋ بٸرنەشە بايقاۋدان تۇرادى. قىتاي ازاماتتارىنىڭ استاناعا كەلۋٸ اقپان ايىنىڭ ەكٸنشٸ جارتىسىنا جوسپارلانعان.
وسى حابارلاندىرۋ ەلەۋمەتتٸك جەلٸلەردە داۋعا قالدى. جەلٸ قولدانۋشىلارى ٶزدەرٸنٸڭ نارازىلىعىن بٸلدٸرٸپ, پٸكٸر قالدىرۋدا.
"قىتايدا قىز جوق دەگەنگە سەنبەيمٸن. ولارعا باسقا ەلگە بارىپ, قالىڭدىق تاڭداۋدىڭ نە قاجەتٸ بار. قىتايلىقتار قاي ەلدە تۇرسا دا, ٶز دەستٷرٸن قاتتى قۇرمەتتەيدٸ. ولاردا ارالاس وتباسىن قۇرعاندار ٶتە از. ال بۇلار نە دەمالۋ ٷشٸن كەلە جاتقان باي ادامدار, نە سول ەلدەن قاشىپ جٷرگەندەر", - دەپ جازادى جەلٸ قولدانۋشىلارىنىڭ بٸرٸ.
"ٶزٸمٸزدٸڭ جٸگٸتتەر از با? ساندىراق. بٸزگە شەتەلدٸكتەر كەرەك ەمەس, ٶزٸمٸزدٸڭ جٸگٸتتەر جەتەدٸ. سونىمەن قاتار, بٸزدٸڭ دەستٷرٸمٸز بەن سالتىمىز بٶلەك", - دەپ جازعان تاعى بٸر ادام.
وسىعان دەيٸن ماماندار قازاقستاندا جالعىز باستى ەيەلدەردٸڭ كٶپتٸگٸن ايتقان. سول سەبەپتٸ نەكە قييۋ اگەنتتٸكتەرٸ جالعىز باستى قىزدارعا ەۋروپالىق سۇر بويداقتارعا تۇرمىسقا شىعۋدى ۇسىناتىن كٶرٸنەدٸ.
