قازاقستان تٶتەنشە جاعدايلار مينيسترلٸگٸنٸڭ (تجم) قۇتقارۋشىلارى تٷركييادا ٷيٸندٸلەر استىنان ٷش ادامدى امان الىپ شىقتى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
مينيسترلٸك ٶكٸلدەرٸنٸڭ مەلٸمەتٸنشە, ەكٸنشٸ ەشەلون تٷركيياعا كەلگەن سەتتەن باستاپ قازاقستان تجم قۇتقارۋشىلارى تەۋلٸك بويى قۇتقارۋ جۇمىستارىن جٷرگٸزٸپ جاتىر.
"ەكٸنشٸ ەشەلون ٷشٸن ٸزدەۋ ورنى رەتٸندە نۋرداگى - گازيانتەپ قالاسىنان 69 شاقىرىم جەردەگٸ تولىعىمەن قيراعان عيمارات بەكٸتٸلدٸ.
بۇل نىساندا قازاقستاندىق قۇتقارۋشىلار ادامداردىڭ ورنالاسقان جەرٸ مەن جاي-كٷيٸن انىقتاۋ, ٷيٸندٸلەر استىندا زارداپ شەككەندەرمەن اۋديو بايلانىس ورناتۋ, قاجەتتٸ كٶمەكتٸڭ كٶلەمٸ مەن سيپاتىن انىقتاۋ بويىنشا جۇمىستارىن جٷرگٸزگەن.
"قازاقستاندىق قۇتقارۋشىلاردىڭ ٷلكەن تەرەڭدٸكتەگٸ ٷيٸندٸلەردٸڭ استىنان زارداپ شەككەندەردٸ ەۆاكۋاتسييالاۋ ٷشٸن جول اشۋ جۇمىستارىن ورىنداپ, جەدەل جەنە ساۋاتتى ٸس-قيمىلدىڭ, سونداي-اق زارداپ شەككەندەردٸ بلوكتان شىعارۋ بويىنشا ۋاقتىلى قابىلدانعان شارالاردىڭ نەتيجەسٸندە بٷگٸن تٷندە كٶلەمٸ 18 مىڭ تەكشە مەتردەن استام ٷيٸندٸنٸڭ استىنان ٷش تٸرٸ ادامدى - ەر ادام مەن ەكٸ ەيەلدٸ شىعارۋعا مٷمكٸندٸك تۋدى. ادامدار دەرەۋ مەديتسينالىق قىزمەتتەرگە جەتكٸزٸلدٸ", - دەلٸنگەن مينيسترلٸك حابارلاماسىندا.
