فوتو: قر تجم
قازاقستاندىق قۇتقارۋشىلار تٷركييانىڭ بٸرنەشە قالاسىندا ٷيٸندٸلەردٸ قوپارۋ جۇمىستارىن جالعاستىرىپ جاتىر. وسى ۋاقىتقا دەيٸن 7 ادام قۇتقارىلدى, دەپ حابارلايدى Sputnik قازاقستان.
"بٷگٸنگٸ تاڭدا قازاقستاندىق قۇتقارۋشىلار امان قالعان 7 ادامدى مەديتسينا قىزمەتكەرلەرٸنە تاپسىردى. قايتىس بولعان 19 ادامنىڭ, ونىڭ ٸشٸندە بٸر بالانىڭ دەنەسٸ ٷيٸندٸ استىنان شىعارىلدى", - دەلٸنگەن تٶتەنشە جاعدايلار مينيسترلٸگٸ تاراتقان رەسمي حابارلامادا.
ال تجم اپاتتار مەديتسيناسى ورتالىعىندا زارداپ شەككەن ادامدارعا تەۋلٸك بويى العاشقى مەديتسينالىق كٶمەك كٶرسەتٸلٸپ جاتىر.
"گازيانتەپ قالاسىندا پنەۆموكاركاستى مودۋل نەگٸزٸندە مەديتسينالىق بەكەت ورناتىلدى, ول جەكە قۇرامدى جىلىتۋ ٷشٸن دە قولدانىلادى. سول جەردە زارداپ شەككەندەرگە, قۇتقارۋشىلارعا, سونداي-اق زارداپ شەككەندەردٸڭ تۋىستارى مەن جاقىندارىنا شۇعىل كٶمەك كٶرسەتٸلەدٸ. كٷنٸنە ورتا ەسەپپەن 35-تەن استام ادام مەديتسينالىق كٶمەككە جٷگٸنەدٸ", - دەيدٸ ماماندار.
سونداي-اق كٷن سايىن جەكە قۇرامنىڭ جىلىتۋ پۋنكتٸندە زارداپ شەككەندەردٸڭ تۋىستارى مەن جاقىندارى, ورتا ەسەپپەن 40-50 ادام جىلىنادى.
قۇتقارۋشىلاردىڭ بٸرٸنشٸ توبى گازيانتەپ قالاسىندا تەۋلٸك بويى ەكٸ اۋىسىمدا ٷش ۋچاسكەدە جۇمىس ٸستەپ جاتىر. قازٸرگٸ كەزدە ولار قيراعان توعىز قاباتتى عيماراتتى قوپارىپ جاتىر. ول جەردە ٷيٸندٸ استىنان 4 ادام قۇتقارىلدى, 4 قازا تاپقان ەيەلدٸڭ دەنەسٸ شىعارىلدى.
ال قۇتقارۋشىلاردىڭ ەكٸنشٸ توبى ٸشٸنارا قيراعان التى قاباتتى عيماراتتان قايتىس بولعان 6 ادامنىڭ دەنەسٸن الىپ شىقتى. ٷشٸنشٸ توپ تا التى قاباتتى ٷيدە جۇمىس ٸستەپ جاتىر. قۇرىلىس نىسانى تولىعىمەن قيراعان. ٷيٸندٸ اراسىنان قازا تاپقان 4 ادامنىڭ دەنەسٸ شىعارىلدى.
قازاقستان تجم قۇتقارۋشىلارىنىڭ ەكٸنشٸ ەشەلونى تٷركيياعا كەلگەن سەتتەن باستاپ ٸزدەۋ-قۇتقارۋ جۇمىستارى تەۋلٸك بويى جٷرگٸزٸلۋدە.
قازاقستاندىق قۇتقارۋشىلاردىڭ ەكٸنشٸ ەشەلونى بٸردەن نۋرداگى قالاسىنا بارعان. ول گازيانتەپتەن 69 شاقىرىم شالعاي جەردە ورنالاسقان. ولار كٶلەمٸ 18 مىڭ تەكشە مەتردەن استام ٷيٸندٸنٸڭ استىنان ٷش تٸرٸ ادامدى – ەر ادام مەن ەكٸ ەيەلدٸ شىعارىپ الدى. قايتىس بولعان بٸر ادامنىڭ دەنەسٸ تابىلدى.
سونداي-اق, مەملەكەت باسشىسى قاسىم-جومارت توقاەۆتىڭ تاپسىرماسى بويىنشا حاتاي ەلدٸ مەكەنٸنە قۇتقارۋشىلار توبى جەنە كينولوگتار جٸبەرٸلدٸ. ول جاقتا 9-10 اقپان كٷندەرٸ تولىعىمەن قيراعان التى قاباتتى ٷيدە قايتىس بولعان ٷش ادامنىڭ دەنەسٸ شىعارىلدى, ونىڭ بٸرٸ – قازاقستان ازاماتى, ەكەۋٸ – تٷركييا ازاماتى.
