قازاقستاندىق جەكەمەنشٸك, مەملەكەتتٸك جەنە كۆازيمەملەكەتتٸك كومپانييالاردىڭ قىزمەتكەرلەرٸ 700 اعاشتى قۇتقارىپ, 1,4 ملن ليتر سۋ ٷنەمدەدٸ. بۇل تۋرالى ECOJER قازاقستانىڭ ٶڭٸرلٸك ەكولوگييالىق باستامالار قاۋىمداستىعىنان مەلٸم ەتتٸ دەپ حابارلايدى "ۇلت اقپارات".
«قازاقستاندا «جاسىل كەڭسە« ەكولوگييالىق جوباسىنىڭ قورىتىندىسى تانىستىرىلدى. ونىڭ ماقساتى - ۇيىمداردىڭ «كٶمٸرتەك ٸزٸن» تٶمەندەتۋ, رەسۋرستاردى پايدالانۋدى قىسقارتۋ, سونىمەن قاتار قىزمەتكەرلەر مەن ولاردىڭ وتباسى مٷشەلەرٸن ەكومەدەنيەتكە ٷيرەتۋ. جوباعا مەنشٸك نىسانىنا جەنە قىزمەتكەرلەرٸنٸڭ سانىنا قاراماستان وتاندىق كومپانييالار تارتىلدى. ولاردىڭ قاتارىنا 10 قىزمەتكەرٸ بار شاعىن ۇيىمدارمەن قاتار بٸرنەشە مىڭ قىزمەتكەر جۇمىس ٸستەيتٸن ٸرٸ بانكتەر دە بولدى», - دەپ اتاپ ٶتەدٸ قاۋىمداستىقتان.
جوبانىڭ ٶزٸ بٸرنەشە كەزەڭمەن جٷزەگە اسىرىلادى. ەڭ الدىمەن كەڭسەلەردە قالدىقتاردى - قاعازداردى, شىنىنى, پلاستيك پەن مەتالدى بٶلٸپ جيناۋعا ارنالعان ەكوجەشٸكتەر ورناتىلادى. سودان كەيٸن قىزمەتكەرلەرگە قالدىقتاردى ودان ارى ٶڭدەۋ ٷشٸن سۇرىپتاۋ ەرەجەسٸ وقىتىلىپ, ٷنەمٸ كەڭەس بەرٸلٸپ وتىرادى. سۇرىپتاۋ داعدىعا اينالعاننان كەيٸن بيزنەسكە قالدىقتار سانىن ازايتۋ جەنە رەسۋرستاردى ٷنەمدەۋ بويىنشا دايىن شەشٸمدەر ۇسىنىلادى.
«بارلىق قۇجات اينالىمى ەلەكتروندى فورماتقا كٶشٸرٸلەدٸ. كەز كەلگەن تانىستىرىلىمدار, قىزمەتتٸك جازبالار, كەلٸسۋلەر تەك ەلەكتروندى تٷردە جٷرگٸزٸلەدٸ. بۇل كارانتين ۋاقىتىندا ٶتە ىڭعايلى بولدى. سونىمەن قاتار كەڭسەلەردە جارىقتى, سۋدى جەنە جىلۋدى ٷنەمدەۋگە ارنالعان تەحنولوگييالار ەنگٸزٸلەدٸ. بٸر رەتتٸك ىدىس-اياقتاردى پايدالانۋدان كورپوراتيۆتٸك باس تارتۋ قولعا الىنادى. ٶيتكەنٸ, ولار ەكولوگييامەن قاتار ادامنىڭ دەنساۋلىعى ٷشٸن دە زيياندى. قىزمەتكەرلەر اۋاعا زيياندى شىعارىندىلاردى ازايتۋ ٷشٸن جەكە كٶلٸكتەرٸمەن جٷرۋٸن قىسقارتادى. بۇعان قوسا, ەربٸر كەڭسە اي سايىن قانشا رەسۋرس ٷنەمدەگەندٸگٸن ەسەپتەپ, كٶرسەتكٸشتەرٸن جاقسارتا تٷسۋگە ۇمتىلادى», - دەدٸ «جاسىل كەڭسە» جوباسىنىڭ باستاماشىسى ەۆگەنيي مۇحامەدجانوۆ.
«جاسىل كەڭسە» جوباسى بٸر جىلدىڭ ٸشٸندە 700 اعاشتى وتالۋىنان قورعاپ قالىپ, 1,4 ملن ليتر سۋ, 69 كۆت ەلەكتر ەنەرگيياسىن ٷنەمدەپ, 118 مىڭ كەلٸ كٶمٸر قىشقىل گازىنىڭ شىعارىلۋىن قىسقارتقان. بٷگٸندە جوباعا ەلٸمٸزدٸڭ 85 كومپانيياسى مەن ولاردا جۇمىس ٸستەيتٸن 18 مىڭ قىزمەتكەر قاتىسادى. ولاردىڭ قاتارىندا ۇيالى بايلانىس وپەراتورلارى, بانكتەر, قارجى ۇيىمدارى, ساۋدا ورتالىقتارى, مەيرامحانالار مەن قوعامدىق تاماقتانۋ ورىندارى بار. تاياۋدا عانا نۇر-سۇلتان قالاسىنىڭ حالىقارالىق ەۋەجايى دا «جاسىل كەڭسە» جوباسىنا قوسىلدى.
