بيىل قازاقستاننىڭ كينويندۋستريياسى ٷشٸن جەمٸستٸ جىل بولدى. بٷگٸن قر پرەزيدەنتٸ جانىنداعى قوعامدىق سانانى جاڭعىرتۋ باعدارلاماسىن ٸسكە اسىرۋ جٶنٸندەگٸ ۇلتتىق كوميسسيياسىنىڭ كەزەكتٸ وتىرىسىندا قر پرەزيدەنتٸ ەكٸمشٸلٸگٸ ٸشكٸ ساياسات بٶلٸمٸنٸڭ مەڭگەرۋشٸسٸ, «جاھانداعى زاماناۋي قازاقستاندىق مەدەنيەت» جوباسىنىڭ جەتەكشٸسٸ ايدا بالاەۆا وسىلاي ايتتى, دەپ حابارلايدى قازاقپارات.
«تەاتر مەن كينو ەردايىم قازاقستاندىق مەدەنيەتتٸڭ ماڭىزدى اسپەكتٸلەرٸ بولىپ تابىلادى. سوندىقتان تٷرلٸ فورماتتاعى شارالار كەشەنٸن ۇيىمداستىردىق. ولاردىڭ ٸشٸندە قازاقستاندىق وپەرا جەنە بالەت ترۋپپالارىنىڭ بەلسەندٸ گاسترولدٸك قىزمەتٸ دە بار. «Astana opera», اباي اتىنداعى وپەرا جەنە بالەت تەاترى, «استانا بالەت» جەنە باسقا دا ۇجىمدار ەۋروپا مەن ازييا ەلدەرٸنٸڭ كٶرەرمەندەرٸن ۇلتتىق وپەرا قويىلىمدارىمەن تانىستىرىپ جٷر», - دەدٸ ايدا بالاەۆا جۇمىس توبىنىڭ وتىرىسىندا.
ونىڭ ايتۋىنشا, 2018 جىلى قازاقستان حالىقارالىق ارەناداعى تٷرلٸ كينوفەستيۆالدەرگە بەلسەنە قاتىستى. «بيىل مەدەنيەت جەنە سپورت مينيسترلٸگٸنٸڭ قولداۋىمەن 71-شٸ كانن كينوفەستيۆالٸندە قازاقستان پاۆيلونى اشىلدى. وندا «ەۋرازييا» حالىقارالىق كينوفەستيۆالٸنٸڭ تانىستىرىلىمى ٶتتٸ, سونداي-اق بٸرقاتار قازاقستاندىق فيلمدەردٸڭ ترەيلەرلەرٸ كٶرسەتٸلدٸ. جىل باسىنان بەرٸ «قازاقفيلم» اق 18 فيلمٸ 14 حالىقارالىق كينوفەستيۆالگە قاتىسىپ, 11 جٷلدە جەڭٸپ الدى», - دەدٸ بٶلٸم مەڭگەرۋشٸسٸ.
ول «اناعا اپارار جول» فيلمٸنٸڭ نيۋ-يوركتەگٸ WeLink حالىقارالىق كينوفەستيۆالٸندە «ٷزدٸك كٶركەم فيلم» جٷلدەسٸن يەلەنگەنٸن دە ەسكە سالدى.
مەدەنيەت مينيسترلٸگٸنٸڭ تاپسىرىسىمەن جەنە مەتسەناتتاردىڭ قولداۋىمەن تٷسٸرٸلگەن «ەمٸرە» فيلمٸ Silver screen film (سيلۆەر سكرين فيلم) ماراپاتىن العان.
سونىمەن قاتار, بۇل تۋىندى گولليۆۋدتاعى كينوفەستيۆالدٸڭ اقتىق سىنىنا شىققان.
«قازاقستاندىق كينو كٷندەرٸ دە جاقسى نەتيجە بەرۋدە. بيىل قازاقستاندىق كينو كٷندەرٸ يتالييادا, ەستونييادا جەنە ٶزگە دە ەلدەردە ۇيىمداستىرىلدى», - دەدٸ «جاھانداعى زاماناۋي قازاقستاندىق مەدەنيەت» جوباسىنىڭ جەتەكشٸسٸ ا.بالاەۆا.
