قازاقستاندىق قاجى مەككەدە جول اپاتىنا ۇشىرادى, دەرٸگەرلەر وعان كٶمەك كٶرسەتتٸ, دەپ حابارلادى قازاقستان مۇسىلماندارىنىڭ دٸني باسقارماسى.
"بٸر ادام جول اپاتىنا ۇشىرادى. ول دەر كەزٸندە اۋرۋحاناعا جەتكٸزٸلٸپ, دەرٸگەرلەر ميىنا جەڭٸل-جەلپٸ زاقىم كەلگەنٸن, دەنە جاراقاتىن العانىن ايتتى. قازٸر ەمدەلٸپ جاتىر", - دەلٸنگەن قمدب حابارلاماسىندا.
بيىل قازاقستاننان مەككەگە 3 200 قاجى اتتاندى. ولارعا 21 مەديتسينالىق مامان قىزمەت كٶرسەتٸپ جاتىر. وسى ۋاقىت ٸشٸندە 1 744 قاجى دەرٸگەرلەردٸڭ كٶمەگٸنە جٷگٸنگەن, دەپ اتاپ ٶتتٸ دٸني باسقارما.
"بيىل مەككە قالاسىندا كٷن اپتاپ ىستىق. ەرٸ ادام كٶپ. تاۋلى ٶڭٸر بولعاندىقتان, كەي ادامداردىڭ قان قىسىمى كٶتەرٸلەدٸ. كەي قوناقٷيلەر قاعبادان الىستا ورنالاسقان. قاجىلار ۇزاق جول جاياۋ جٷرۋگە مەجبٷر, سول سەبەپتٸ دەنساۋلىقتارى سىر بەرەدٸ. مىسالى, مينا جازىعىنان شايتاندى تاسپەن ۇرۋ رەسٸمٸ ٶتەتٸن جەرگە دەيٸنگٸ قاشىقتىق – ٷش كيلومەتر. قارتتارعا وڭاي ەمەس. سۋىق سۋ ٸشكەننەن كٶپشٸلٸگٸنٸڭ تاماعى ٸسٸپ كەتكەن. بٸز كٶمەكتەسٸپ جاتىرمىز", - دەيدٸ دەرٸگەر بٸرجان دوسمايىلوۆ.
شامامەن 1 150 قاجىعا تۇماۋ تيگەن. كەي قازاقستاندىقتاردىڭ ٸشٸ اۋىرىپ, قيمىل-قوزعالىسى قيىنداپ, قان قىسىمى كٶتەرٸلٸپتٸ. بٸر ادام سوقىرٸشەك بولىپ, اۋرۋحاناعا تٷسكەن ەكەن.
"قازٸر قاجىلاردىڭ جاعدايى قاناعاتتاندىرارلىق. ماماندار مەن دەرٸ-دەرمەك جەتكٸلٸكتٸ", - دەدٸ دەرٸگەر.
ايتا كەتسەك, قاجىلىق "قاسيەتتi جەرگە بارۋدى نيەت ەتۋ" دەگەندi بiلدiرەدٸ. ونىڭ شارتى بويىنشا يحرامعا كiرۋ, كاعبانى جەتi اينالىپ تەۋ ەتۋ, سافا مەن مەرۋا اراسىندا ساعيي جاساۋ, ارافادا تۇرۋ, مۇزداليفادا تٷنەۋ, شايتانعا تاس اتۋ سيياقتى امالداردى ورىنداۋ كەرەك.
