تانىمال وتاندىق حيميك عالىم زۇلقايىر مانسۇروۆقا يۋنەسكو-نىڭ «نانوعىلىم مەن نانوتەحنولوگييالار دامۋىنا قوسقان ٷلەسٸ ٷشٸن» مەدالٸ تابىستالدى. ماراپاتتاۋ رەسٸمٸ 22 قاراشادا اتالعان ۇيىمنىڭ پاريجدەگٸ باس پەتەرٸندە ٶتتٸ, دەپ حابارلايدى قر سٸم باسپاسٶز قىزمەتٸ.
مەدال تۇجىرىمداماسىن 2010 جىلى يۋنەسكو باس ديرەكتورى بەكٸتٸپ, سول كەزدەن بەرٸ ول جىل سايىن وسى سالاداعى ەلەمدٸك عىلىمنىڭ العا باسۋىنا ەلەۋلٸ ٷلەس قوسقان كٶرنەكتٸ عالىمدار مەن ۇيىمدارعا بەرٸلەدٸ. وتاندىق عالىم بيىل ٶزٸنٸڭ «نانوكٶمٸرتەك ماتەريالدارىن ٶڭدەۋ, كٶمٸرتەكتٸ نانوتٷتٸكتەر مەن گرافەندەردٸ جانۋ كٷيٸندە سينتەزدەۋ تەحنولوگييالارىنا زەرتتەۋگە قوسقان ٷلەسٸ» ٷشٸن ماراپاتتالدى.
مەدالدٸ تابىستاۋدان كەيٸن سٶيلەگەن سٶزٸندە ز. مانسۇروۆ يۋنەسكو-عا جٷرگٸزگەن زەرتتەۋلەرٸنە وسىنداي جوعارى باعا بەرگەنٸ ٷشٸن ريزاشىلىعىن بٸلدٸرٸپ, قازاقستاندىق عىلىمنىڭ جەڭٸستەرٸن بٷگٸنگٸ تاڭدا عالىمدارىمىز, ەسٸرەسە جاستار, ەلەمنٸڭ جەتەكشٸ زەرتتەۋ ورتالىقتارىمەن تىعىز ىنتىماقتاستىق ورناتۋعا بارلىق مٷمكٸندٸكتەرگە يە ەكەنٸمەن بايلانىستىردى جەنە وعان جاعداي جاساعان ەلباسى باستاماسىمەن جٷرگٸزٸلگەن جٷيەلٸ رەفورمالاردىڭ ارقاسى ەكەنٸن اتاپ ٶتتٸ.
رەسٸمگە قاتىسقان قازاقستاننىڭ يۋنەسكو جانىنداعى تۇراقتى ٶكٸلٸ جان عاليەۆ وتانداسىمىزدى جىلى قۇتتىقتاپ, وسى مەدالدٸڭ ونىڭ وتاندىق جەنە حالىقارالىق عىلىمي قاۋىمداستىققا سٸڭٸرگەن ادال ەڭبەگٸ, نانوعىلىم مەن نانوتەحنولوگييالارعا قوسقان ماڭىزدى ٷلەسٸنٸڭ لايىقتى مويىنداۋى رەتٸندە قاراستىراتىنىن جەتكٸزدٸ.
بيىل اتالعان ماراپاتقا مانسۇروۆتىڭ رەسەي, فرانتسييا, اۋسترالييا, فينلياندييا, اۋسترييا, گرەكييا, مىسىر مەن اقش سيياقتى مەملەكەتتەردە ەڭبەك ەتٸپ جٷرگەن تاعى دا توعىز ەرٸپتەسٸ يە بولدى. زەرتتەۋلەرٸنٸڭ ناقتى قولدانىس سالالارىنا ەلەكترونيكا, تەلەكوممۋنيكاتسييالار, ماشينا جەنە قۇرال جاساۋ, مەديتسينا, ماتەريالتانۋ مەن كٶپتەگەن باسقالار جاتادى. مەدالمەن وسى كەزگە دەيٸن ماراپاتتالعاندار اراسىندا فيزيكا سالاسىنداعى نوبەل سىيلىعىنىڭ لاۋرەاتتارى يسامۋ اكاساكي مەن جورەس الفەروۆ, قىتاي عىلىم اكادەميياسىنىڭ پرەزيدەنتٸ چۋنلي باي بار.
پروفەسسور, حيمييا عىلىمدارىنىڭ دوكتورى زۇلقايىر ايتمۇحامەتۇلى مانسۇروۆ قر بعم جانۋ پروبلەمالارى ينستيتۋتىنىڭ باس ديرەكتورى. تانىمال عالىم كٶپ جىلدار بويى ەل-فارابي اتىنداعى قازاق ۇلتتىق ۋنيۆەرسيتەتٸندە كٶپ جىلدار بويى ەڭبەك ەتتٸ, سونىڭ ٸشٸندە ون بەس جىل بويى پرورەكتور رەتٸندە. قازاقستان رەسپۋبليكاسىنىڭ مەملەكەتتٸك پرەميياسى مەن قانىش ساتپاەۆ اتىنداعى پرەمييانىڭ لاۋرەاتى.
