حالىقارالىق بوكس قاۋىمداستىعى (IBO) بارلىق سالماق دەرەجەلەرٸندەگٸ بوكسشىلاردىڭ رەيتينگٸن جارييالادى, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
سۋپەراۋىر سالماقتا جان كوسوبۋتسكيي 28-شٸ ورىننان 29-شىعا تٷسٸپ قالسا, رۋسلان مىرساتاەۆ 79-شٸ ورىننان 75-كە كٶتەرٸلگەن.
بٸرٸنشٸ اۋىر سالماق دەرەجەسٸندە قامشىبەك قوڭقاباەۆ 65-تەن 61-گە كٶتەرٸلدٸ, ەلي بالوەۆ بٸر ساتى جوعارى كٶتەرٸلٸپ, ەندٸ 77-شٸ ورىننان كٶرٸندٸ, ەدٸل قوجامبەرديەۆ 89-شى ورىندا قالدى.
جارتىلاي اۋىر سالماقتا بەك نۇرماعانبەت 88-شٸ ورىندى ساقتاپ قالعان. ەكٸنشٸ ورتا سالماق دەرەجەسٸندە ايدوس ەربوسىنۇلى بۇرىنعىداي 16-شى بولىپ قالسا, نۇرزات سابىروۆ – 42-شٸ ورىندا قالدى, ال ەلي احمەدوۆ ەكٸ ساتى جوعارى كٶتەرٸلٸپ, 80-شٸ ورىندا تۇر.
گەنناديي گولوۆكين چەمپيوندىقتى ساقتاپ قالعان, ال IBO-نىڭ ورتا سالماق دەرەجەسٸندە قانات يسلام بۇرىنعىداي 13-شٸ ورىندا قالدى. تاعى بٸر قازاقستاندىق بوكسشى جەنٸبەك ەلٸمحانۇلى 18-شٸ ورىننان 17-شٸگە, مەيٸرٸم نۇرسۇلتانوۆ 22-شٸ ساتىدان 21-شٸگە كٶتەرٸلدٸ, اباي تٶلەش 99-شى نٶمٸرمەن ٷزدٸكتەر «جٷزدٸگٸنە» كٸردٸ.
بٸرٸنشٸ ورتا سالماقتا سادريددين احمەدوۆ بٸر ساتى تٶمەن تٷسٸپ, 29-شى ورىننان كٶرٸندٸ. جارتىلاي ورتا سالماق دەرەجەسٸندە دانييار ەلەۋسٸنوۆ بٸر ساتى جوعارى كٶتەرٸلٸپ, ەندٸ 21-شٸ ورىندا تۇر, ال نۇرسۇلتان جاڭاباەۆ 61-شٸ ورىننان 58-شٸگە كٶتەرٸلدٸ, بوبيرجان مومينوۆ ەكٸ ساتى جوعارى كٶتەرٸلٸپ, ەندٸ 66-شى بولدى.
باتىر جٷكەمباەۆ بٸرٸنشٸ جارتىلاي ورتا سالماقتا ٷزدٸكتەر «وندىعىنان» شىعىپ كەتٸپ, ەندٸ 11-شٸ ورىندا تۇر.
جەڭٸل سالماقتا جۇدىرىقتاسىپ جٷرگەن نۇرتاس ەجبەنوۆ 96-شى ورىننان 94-شٸگە كٶتەرٸلدٸ. ەكٸنشٸ جارتىلاي جەڭٸل سالماق دەرەجەسٸندە سۇلتان زاۋىربەك تٶرت ساتى جوعارى كٶتەرٸلٸپ, ەندٸ 48-شٸ ورىندا تۇر, ستانيسلاۆ كاليتسكيي رەيتينگكە 63-شٸ نٶمٸرمەن ەنگٸزٸلدٸ.
ەڭ جەڭٸل سالماقتا ەلشات نىعمەتوللا بۇرىن 39-شى ورىندا تۇرسا, ەندٸ 42-شٸ ورىنعا تٷسكەن.
