قازاقستاندىق بوكسشى قىز وڭباي نوكاۋتقا تٷسٸپ قالدى (ۆيدەو)

قازاقستاندىق بوكسشى ايدا ساتىبالدينوۆا (3-1-1, 2 كو) كەسٸپقوي بوكستاعى كارەراسىندا تۇڭعىش رەت جەڭٸلدٸ, - دەپ حابارلايدى Vesti.kz.

ساتىبالدينوۆا اقش-تىڭ كورپۋس-كريستي قالاسىندا ۋيك-ەندتە ٶتكەن بوكس كەشٸنٸڭ باستى كەزدەسۋٸندە ٶنەر كٶرسەتكەن. وعان جەڭٸل سالماقتا NABF تيتۋلىنىڭ يەگەرٸ, جەڭٸلٸپ كٶرمەگەن امەريكالىق سەلينا بارريوس (4-0, 2 Kو) قارسىلاس بولدى. 

كەزدەسۋ تٶرتٸنشٸ راۋندتا اياقتالدى. بۇل راۋندتا سەلينا سول جاقتان سوققى جاساپ, ساتىبالدينوۆانى سۇمدىق نوكاۋتقا تٷسٸردٸ.

ساتىبالدينوۆا وسىلايشا العاش رەت جەڭٸلٸپ وتىر. 

قازاقستاندىق بوكسشى جەكپە-جەكتەن كەيٸن رەۆانشقا شىعۋعا نيەتتٸ ەكەنٸن ايتتى. ال امەريكالىق قارسىلاسى ونى ماقتاپ, كەلٸسٸم بەردٸ.