قازاقستاندىق بٸتٸمگەرشٸلٸك پولكٸنٸڭ وقۋ-جاتتىعۋ ورتالىعىنىڭ بازاسىندا بەسٸنشٸ روتاتسييا ەسكەري قىزمەتشٸلەرٸن ليۆان رەسپۋبليكاسىنداعى ميسسيياعا دايارلاۋ جٷرگٸزٸلۋدە, دەپ حابارلايدى قر قم باسپاسٶز قىزمەتٸ.
حالىقارالىق قىزىل كرەست كوميتەتٸنٸڭ قازاقستان رەسپۋبليكاسىنداعى ٶكٸلدٸگٸ قازاقستاننىڭ بٸتٸمگەرشٸلٸك كونتينگەنتٸن بۇۇ-نىڭ بٸتٸمگەرشٸلٸك وپەراتسييالارىنا قاتىسۋعا دايارلاۋ شەڭبەرٸندە ەسكەري قىزمەتشٸلەرمەن كەزەكتٸ ترەنينگ ٶتكٸزدٸ.
ەكٸ كٷن بويى 25 ەسكەري قىزمەتشٸ حالىقارالىق گۋمانيتارلىق قۇقىق مەسەلەلەرٸ بويىنشا وقىپ, بٸتٸمگەرشٸلٸك وپەراتسييالارى كەزٸندە سوعىس جٷرگٸزۋ قاعيدالارىنىڭ قولدانۋ ەرەكشەلٸكتەرٸن تالقىلادى, سونداي-اق ٸس جٷزٸندە مىسالدار كەلتٸردٸ.
«بٷگٸنگٸ العان بٸلٸم قارۋلى قاقتىعىس جاعدايلارىندا حالىقارالىق گۋمانيتارلىق قۇقىق نورمالارىن قولدانۋدا قازاقستاندىق ەسكەري قىزمەتشٸلەردٸڭ ەلەۋەتٸن نىعايتۋعا قىزمەت ەتەدٸ دەپ ٷمٸتتەنەمٸز», – دەپ اتاپ ٶتتٸ قازاقستان رەسپۋبليكاسىنداعى حقكك ميسسيياسىنىڭ باسشىسى مەدينا بەكيەۆا.
ٸس-شارا حالىقارالىق قىزىل كرەست كوميتەتٸ مەن قورعانىس مينيسترلٸگٸ اراسىنداعى ىنتىماقتاستىقتىڭ جىلدىق جوسپارىن ٸسكە اسىرۋ اياسىندا ٶتتٸ.
ەستەرٸڭٸزگە سالا كەتەيٸك, قازٸرگٸ ۋاقىتتا ليۆان رەسپۋبليكاسىندا تٶرتٸنشٸ بٸتٸمگەرشٸلٸك روتا بار, ونىڭ ميسسيياسى وسى جىلى ناۋرىز ايىندا اياقتالادى.
