قازاقستاندىق ەسكەندٸر نۇعمانوۆ دوپتى حوككەيدەن نورۆەگييا چەمپيوناتىنىڭ ٷزدٸك ويىنشىسى اتاندى, دەپ حابارلايدى "ۇلت اقپارات".
ورال دوپتى حوككەيٸنٸڭ تٷلەگٸ ە.نۇعمانوۆ نورۆەگييالىق «رەدي» كلۋبىنىڭ نامىسىن قورعايدى.
ە.نۇعمانوۆتىڭ ايتۋىنشا, نورۆەگييانىڭ ەليتالىق سەريياسىندا ٶنەر كٶرسەتەتٸن «رەدي» ٷشٸن 2019-2020 جىلعى ماۋسىم سەتتٸ بولدى. بۇل ەلدە ەليتالىق توپتان باسقا تاعى ەكٸ ديۆيزيون بار.
«ٶتكەن جىلى ماۋسىم الدىندا شۆەتسيياداعى راتۆيك كۋبوگىنىڭ فينالىنا شىقتىق. سودان كەيٸن وسلو كۋبوگىن ۇتىپ الدىق. چەمپيوناتقا جاقسى ەزٸرلٸكپەن كەلٸپ, ونى دا تابىستى ٶتكٸزدٸك. «رەدي» كلۋبى بارلىعى 18 كەزدەسۋ ٶتكٸزٸپ, سونىڭ 16-سىندا جەڭٸسكە جەتتٸ. بٸرەۋٸندە تەڭ تٷسٸپ, بٸرەۋٸندە عانا ەسە جٸبەردٸ», دەيدٸ قازاقستاندىق ويىنشى.
وسىلايشا «رەدي» العاش رەت ەليتالىق سەرييانىڭ فينالىنا شىقتى. بٸراق كوروناۆيرۋسقا بايلانىستى بٸرٸنشٸلٸك اياقتالماي قالدى.
«دەگەنمەن ماۋسىم قورىتىندىسى بويىنشا بٸزدٸڭ كوماندانى جەڭٸمپاز دەپ تانىدى. وعان قوسا ويىنشىلارى ەڭ از ايدىننان قۋىلعان كوماندا رەتٸندە «رەديگە» fair play سىيلىعى تابىس ەتٸلدٸ. كوماندا قۇرامىندا مەنەن باسقا لەگيونەرلەردەن شۆەدتەر مەن بٸر فين حوككەيشٸسٸ وينايدى», دەيدٸ ە.نۇعمانوۆ.
ماۋسىم بارىسىندا 29 گول سوعىپ, 30 نەتيجەلٸ پاس بەرگەن ەسكەندٸر نۇعمانوۆ نورۆەگييا بٸرٸنشٸلٸگٸنٸڭ ٷزدٸك ويىنشىسى اتاندى.
