Qazaqstandyq Eskendir Nuǵmanov dopty hokkeiden Norvegiia chempionatynyń úzdik oiynshysy atandy, dep habarlaidy "Ult aqparat".
Oral dopty hokkeiiniń túlegi E.Nuǵmanov norvegiialyq «Redi» klýbynyń namysyn qorǵaidy.
E.Nuǵmanovtyń aitýynsha, Norvegiianyń elitalyq seriiasynda óner kórsetetin «Redi» úshin 2019-2020 jylǵy maýsym sátti boldy. Bul elde elitalyq toptan basqa taǵy eki divizion bar.
«Ótken jyly maýsym aldynda Shvetsiiadaǵy Ratvik kýbogynyń finalyna shyqtyq. Sodan keiin Oslo kýbogyn utyp aldyq. Chempionatqa jaqsy ázirlikpen kelip, ony da tabysty ótkizdik. «Redi» klýby barlyǵy 18 kezdesý ótkizip, sonyń 16-synda jeńiske jetti. Bireýinde teń túsip, bireýinde ǵana ese jiberdi», deidi qazaqstandyq oiynshy.
Osylaisha «Redi» alǵash ret elitalyq seriianyń finalyna shyqty. Biraq koronavirýsqa bailanysty birinshilik aiaqtalmai qaldy.
«Degenmen maýsym qorytyndysy boiynsha bizdiń komandany jeńimpaz dep tanydy. Oǵan qosa oiynshylary eń az aidynnan qýylǵan komanda retinde «Redige» fair play syilyǵy tabys etildi. Komanda quramynda menen basqa legionerlerden shvedter men bir fin hokkeishisi oinaidy», deidi E.Nuǵmanov.
Maýsym barysynda 29 gol soǵyp, 30 nátijeli pas bergen Eskendir Nuǵmanov Norvegiia birinshiliginiń úzdik oiynshysy atandy.
