قازاقستاندىق ەيەلدٸڭ بالاسى كالينينگراد قالاسىنداعى ەكەسٸنەن قايتارىلدى, دەپ حابارلايدى "ۇلت اقپارات".
بۇل تۋرالى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ اپتالىق بريفينگتە مەلٸمدەدٸ.
«ٶتكەن جىلى قر ازاماتى دانا ەمەەۆا ٶز ۇلىن رف كالينينگراد قالاسىنداعى ەكەسٸنەن قايتارا الماپ ەدٸ. وسى دەمالىس كٷندەرٸ بٸزدٸڭ ديپلوماتتاردىڭ كٶمەگٸمەن اتا-انالار كەلٸسٸمگە كەلدٸ. قازٸر بالا اناسىنىڭ قاسىندا الماتىدا. ولار كەشە ۇشىپ كەلدٸ. بٸزدٸڭ سانكت-پەتەربۋرگتەگٸ كونسۋلىمىز كالينينگراد قالاسىنا جەكە ٶزٸ الىپ باردى جەنە بالانىڭ اناسىنا تاپسىرىلۋىن قاداعالادى», - دەدٸ ايبەك سماديياروۆ.
ەسكە سالا كەتسەك, ٶتكەن جىلى قازاقستاندىق ەيەل دانا ەمەەۆا بالاسىن قايتارۋ بويىنشا قر سىرتقى ٸستەر مينيسترلٸگٸنەن كٶمەك سۇراعان ەدٸ. كەزٸندە ول رەسەي ازاماتىنا تۇرمىسقا شىعىپ, كالينينگراد قالاسىنا كٶشكەن. وتباسىلىق سەبەپتەرمەن ەكٸ جىلدان كەيٸن اجىراسقان جەنە كالينينگراد قالاسىنىڭ سوتى بالانى اناسىمەن قالدىرۋ تۋرالى شەشٸم شىعارعان. الايدا, بالانىڭ ەكەسٸ سوت شەشٸمٸن ورىنداماي, بەلارۋس پەن ٶزگە دە ەۋروپا قالالارى ارقىلى سەبيدٸ الىپ كەتكەن.
