قازاقستان قۇراماسىندا ٶنەر كٶرسەتەتٸن اۋىراتلەت نيجات راحيموۆ دوپينگكە قارسى ەرەجەلەردٸ بۇزعانى ٷشٸن التىن مەدالدان ايىرىلىپ, سەگٸز جىلعا سپورتتان شەتتەتٸلدٸ. بۇل تۋرالى سپورت تٶرەلٸك سوتىنىڭ (CAS) رەسمي سايتى جازدى, - دەپ حابارلايدى Tengrinews.kz تٸلشٸسٸ R-Sport باسىلىمىنا سٸلتەمە جاساپ.
نيجات راحيموۆ 77 كەلٸگە دەيٸنگٸ سالماق دەرەجەسٸندە 2016 جىلعى ريو وليمپياداسىندا التىن العان. CAS مەلٸمەتٸنشە, اۋىر اتلەتتٸڭ 2016 جىلدىڭ 15 ناۋرىزىنان 2021 جىلدىڭ 18 قاڭتارىنا دەيٸن كٶرسەتكەن بارلىق نەتيجەلەرٸ جويىلادى.
2021 جىلدىڭ قاڭتارىندا حالىقارالىق تەستٸلەۋ اگەنتتٸگٸ (ITA) سپورتشىنى دوپينگكە قارسى ەرەجەلەردٸ بۇزدى دەپ ايىپتادى.
سوت تٶرەشٸسٸ قازاقستاندىق اۋىر اتلەتتٸ زەرٸنٸڭ تٶرت ٷلگٸسٸن الماستىرعانى ٷشٸن كٸنەلٸ دەپ تانىدى. بۇل حالىقارالىق اۋىر اتلەتيكا فەدەراتسيياسىنىڭ (IWF) دوپينگكە قارسى ەرەجەلەرٸن بۇزۋ بولىپ سانالادى.
نيدجات راحيموۆ 1993 جىلى 13 تامىزدا باكۋدە دٷنيەگە كەلگەن. ول - ەتنيكالىق ەزٸربايجان. 2010 جىلى ەزٸربايجان قۇراماسى ساپىندا سينگاپۋردا ٶتكەن جازعى جاسٶسپٸرٸمدەر وليمپياداسىنىڭ جەڭٸمپازى اتاندى. 2013 جىلى پەرۋدە ٶتكەن جاسٶسپٸرٸمدەر اراسىنداعى ەلەم چەمپيوناتىندا ەكٸنشٸ ورىن الدى. سول جىلى دوپينگ قولدانعانى ٷشٸن ەكٸ جىلعا شەتتەتٸلدٸ.
2014 جىلدىڭ تامىزىندا راحيموۆ قازاقستان ازاماتتىعىن قابىلداپ, قازاقستان قۇراماسى ساپىندا ٶنەر كٶرسەتۋگە شەشٸم قابىلدادى.
