جاقىندا قازاقستاندىق ەۋە كومپانييالارى جاڭا حالىقارالىق رەيستەردٸ اشادى. بۇل تۋرالى قر ييدم ازاماتتىق اۆياتسييا كوميتەتٸنەن مەلٸم ەتتٸ.
«بٷگٸندە قازاقستان شەت مەملەكەتتەرمەن 99 حالىقارالىق باعداردى قامتىپ وتىر. نۇر-سۇلتان قالاسىنان 34 حالىقارالىق باعدار بويىنشا تۇراقتى رەيستەر ورىندالىپ كەلەدٸ», - دەلٸنگەن ۆەدومستۆو مەلٸمەتٸندە.
بەلگٸلٸ بولعانداي, بٷگٸندە 14 ٸشكٸ ەۋە باعدارى, سونداي-اق «نۇر-سۇلتان – توكيو» باعىتىنداعى حالىقارالىق باعدارى سۋبسيدييالانۋدا.
«ورتا مەرزٸمدٸ پەرسپەكتيۆادا قازاقستاندىق ەۋە كومپانييالارى شانحاي (2020 جىلى), سينگاپۋر (2020 جىلى), نيۋ-يورك (2023 جىلى) باعىتتارىندا رەيس اشۋدى جوسپارلاپ وتىر», - دەپ اتالىپ ٶتكەن كوميتەت اقپاراتىندا.
بۇدان بۇرىن حابارلانعانداي, بٸرقاتار شەتەلدٸك ەۋە كومپانييالارى قازاقستانعا جاڭا رەيستەردٸ اشۋعا قىزىعۋشىلىق تانىتىپ وتىر.
