فوتو اشىق دەرەككٶزدەن الىندى
استانا قالاسىنىڭ اۋدانارالىق سوتىنا قازاقستاننىڭ ەر ٶڭٸرٸنەن 11 اتا-انا وقۋ-اعارتۋ مينيسترلٸگٸنە قاتىستى تالاپ-ارىز جولدادى. بۇل تۋرالى اتا-انالاردىڭ مٷددەسٸن قورعايتىن بەلگٸلٸ ادۆوكات جانگەلدٸ سٷلەيمانوۆ مەلٸمدەپ, قازاقستاندىق اتا-انالاردىڭ نەگە قول جەتكٸزگٸسٸ كەلەتٸنٸن ايتتى, - دەپ حابارلايدى Massaget.kz پورتالى.
وقۋشىلار بىلتىرعى وقۋ جىلىن ەدەتتەگٸدەي 25 مامىردا ەمەس, 31 مامىردا اياقتادى. مەكتەپ مۇنداي جاڭاشىلدىققا دايىن بولماعاندىقتان, بۇل ٶزگەرٸس كٶپتەگەن اتا-انانىڭ نارازىلىعىن تۋدىردى. ال بيىل 1 قىركٷيەك قارساڭىندا سوڭعى قوڭىراۋ بۇرىنعى كٷنگە قايتارىلاتىنى جارييالاندى. الايدا, سٷلەيمانوۆتىڭ ايتۋىنشا, مەسەلە ەلٸ شەشٸلمەگەن.
"2022 جىلى ەكس-مينيستر اسحات ايماعامبەتوۆ "مەملەكەتتٸك جالپىعا مٸندەتتٸ بٸلٸم بەرۋ ستاندارتتارىن بەكٸتۋ تۋرالى" بۇيرىققا قول قويدى. قۇجات بويىنشا وقۋ جىلى بۇرىنعىداي 34 اپتادان 36 اپتاعا دەيٸن ۇلعايدى. بٸزدٸڭ سۇرايتىنىمىز ٶتە قاراپايىم نەرسە - وقۋ جىلىن ۇزارتۋ تۋرالى شەشٸمدٸ جويۋ", - دەپ تٷسٸندٸردٸ ادۆوكات.
جانگەلدٸ سٷلەيمانوۆتىڭ ايتۋىنشا, سوتقا جٷگٸنگەن اتا-انالار بٸلٸم بەرۋ سالاسىنداعى جٷيەلٸ زاڭبۇزۋشىلىقتار تۋرالى 50 بەتتەن تۇراتىن ۇلتتىق بايانداما جاساپ, پرەزيدەنت ەكٸمشٸلٸگٸنە جولداعان. ولار قۇجاتتا بٸلٸم ساپاسى تٶمەن ەكەنٸ, مەكتەپتەردە وقۋشىلار كٶپ ەكەنٸ, جۋىناتىن بٶلمەلەر بولماۋى سيياقتى 29 زاڭبۇزۋشىلىقتى كٶرسەتكەن. دەل وسىنداي زاڭبۇزۋشىلىقتار وقۋ-اعارتۋ مينيسترلٸگٸنە قاتىستى سوت ٸسٸندە كٶرسەتٸلگەن.
"وسى زاڭبۇزۋشىلىقتاردى جويمايىنشا, وقۋ مەرزٸمٸن ۇزارتۋدىڭ قاجەتٸ جوق دەپ ەسەپتەيمٸز", - دەدٸ زاڭگەر.
ايتا كەتەيٸك, بيىل سوڭعى قوڭىراۋ العاش رەت 1 ماۋسىمدا سوعىلدى. وقۋ جىلى 1 قىركٷيەكتە باستالىپ, 31 مامىردا اياقتالىپ, بارلىعى 36 اپتاعا سوزىلدى.
