فوتو: قر قورعانىس مينيسترلٸگٸ
قازاقستان قارۋلى كٷشتەرٸنٸڭ ەسكەري قىزمەتشٸلەرٸ قىسقى دالالىق كيٸمنٸڭ جاڭا ٷلگٸسٸن رەسمي تٷردە قابىلدادى. بۇل ٶزگەرٸس 2023 جىلعى مامىر ايىندا ٶتكەن بٷكٸلارمييالىق كەڭەستە تالقىلانىپ, قر پرەزيدەنتٸنٸڭ 2023 جىلعى 12 جەلتوقسانداعى جارلىعى اياسىندا جٷزەگە اسىرىلا باستادى, دەپ حابارلايدى Ult.kz.
قارۋلى كٷشتەردٸڭ تىل باسشىسىنىڭ ورىنباسارى, پولكوۆنيك ەسەت ورازاليننٸڭ ايتۋىنشا, ەرەكشە جاعدايلار تۋىنداعان كەزدە باسقا ەسكەرلەر قارۋلى كٷشتەرگە باعىنادى. سول سەبەپتٸ, كليماتتىق ەرەكشەلٸكتەردٸ ەسكەرەتٸن جەنە جاسىرۋ قاسيەتٸ بار بٸركەلكٸ فورما قاجەتتٸگٸ تۋىندادى. MultiCam ٷلگٸسٸن تاڭداۋ ەلەمدٸك تەجٸريبەلەر نەگٸزٸندە جاسالدى, بۇل تٷستەر ٶسٸمدٸكتەر, قالا قۇرىلىسى, شٶلدٸ, تاستى جەرلەردە جوعارى جاسىرۋ مٷمكٸندٸگٸن قامتاماسىز ەتەدٸ.
كيٸمنٸڭ ەرەكشەلٸكتەرٸ مەن ارتىقشىلىقتارى
جاڭا كيٸم ٷلگٸلەرٸ قىزمەتكە ىڭعايلى بولۋىمەن ەرەكشەلەنەدٸ. مويىندى اۋا رايىنان قورعاۋ ٷشٸن پٸشٸمٸ جەتٸلدٸرٸلگەن, ال كەۋدە قالتالارىنىڭ كٶلبەۋ ورنالاسۋى قۇجاتتاردى ساقتاۋعا ىڭعايلى ەتەدٸ. كيٸمنٸڭ شالبار بەلدٸگٸ دەنەگە جاقسى سەيكەس كەلەدٸ, ال رەتتەلەتٸن ەلەمەنتتەرٸ پٸشٸنگە ٷيلەسٸمدٸلٸك بەرەدٸ.
قىسقى كيٸم ٷلگٸسٸندە ماتەريالدىڭ سۋ, اياز جەنە جەلگە تٶزٸمدٸلٸگٸ كٷشەيتٸلگەن. سونىمەن قاتار, جاڭا ٷلگٸدە جىلى توقىلعان قالپاق پەن جٷننەن جاسالعان شارف قاراستىرىلعان. ماۋسىمدىق پلاششتىڭ ورنىنا كۋرتكا قوسىلدى, ال كٷندەلٸكتٸ جەمپٸر ورنىنا دالالىق جەمپٸر بەرٸلەتٸن بولدى. جازعى ەتٸكتەردٸڭ تٷسٸ قارادان قۇم تٷسكە اۋىستىرىلىپ, باسقارۋ ورگاندارىنىڭ ەسكەري قىزمەتشٸلەرٸ ٷشٸن بيٸك قونىشتى ەتٸك تاكتيكالىق كروسسوۆكالارعا اۋىستىرىلدى.
ەكونوميكالىق تيٸمدٸلٸگٸ
بۇل ٶزگەرٸس كيٸم-كەشەك شىعىندارىن قىسقارتۋ ەسەبٸنەن جٷزەگە اسىرىلۋدا. وڭتايلاندىرۋ نەتيجەسٸندە جىل سايىنعى قاجەتتٸلٸك 140 ملن تەڭگەگە قىسقاردى. قويمالارداعى بۇرىنعى كيٸمدەر مەرزٸمدٸ قىزمەتتەگٸ ساربازدار مەن ەسكەري مٸندەتتٸلەرگە جۇمىس كيٸمٸ رەتٸندە قولدانىلىپ, جىل سايىن 400 ملن تەڭگە كٶلەمٸندە قاراجات ٷنەمدەۋگە مٷمكٸندٸك بەرمەك.
ەسكەري كيٸم-كەشەك تەك قازاقستاندىق كەسٸپورىنداردا جاسالىپ, وتاندىق ٶندٸرۋشٸلەردٸ قولداۋعا باعىتتالادى.
