حالىقارالىق بوكس فەدەراتسيياسى (IBF) ورتا سالماقتاعى ٷزدٸك بوكسشىلاردىڭ جاڭالانعان رەيتينگٸن جارييالادى, دەپ حابارلايدى "ۇلت اقپارات".
ايتا كەتسەك, توپ-15-كە قازاقستاننىڭ بٸردەن 5 بوكسشىسى ەندٸ. گەنناديي گولوۆكين (40-1-1, 35 كو) – ورتا سالماقتاعى IBF چەمپيونى بولسا, 10-ورىندا – مەيٸرٸم نۇرسۇلتانوۆ (13-0, 8 كو), 11-ٸنشٸ پوزيتسييادا – جەنٸبەك ەلٸمحانۇلى (9-0, 5 كو).
ال 13-ٸنشٸ ساتىعا اناتوليي مۋراتوۆ (22-2-1, 15 كو) ورنالاستىرىلعان. ول گەرمانييا اتىنان ٶنەر كٶرسەتٸپ جٷرگەنٸمەن, IBF سايتىندا ول قازاقستان ازاماتى رەتٸندە كٶرسەتٸلگەن. سەبەبٸ مۋراتوۆ تالدىقورعاندا تۋعان.
رەيتينگٸنٸڭ 14-ورنىندا قانات يسلام (27-0, 21 كو) تۇر.
