قازاقستاندىق 40 وقۋشى حالىقارالىق ازييا-تىنىق مۇحيتى ماتەماتيكالىق وليمپياداسىندا جٷلدەلٸ ورىندارعا يە بولدى. ەلٸمٸزدٸڭ ۇلتتىق قۇراماسىنىڭ قورجىنىندا 5 التىن, 13 كٷمٸس جەنە 22 قولا مەدال بار, دەپ حابارلايدى "ۇلت اقپارات" بعم باسپاسٶز قىزمەتٸنە سٸلتەمە جاساپ.
نۇر-سۇلتان, الماتى, قوستاناي جەنە قاراعاندى قالالارىنىڭ وقۋشىلارى التىن مەدال جەڭٸپ الدى. سونىمەن قاتار وليمپيادادا اقتاۋ, اتىراۋ, قىزىلوردا جەنە پاۆلودار مەكتەپتەرٸنٸڭ وقۋشىلارى دا ٷزدٸكتەردٸڭ قاتارىنان كٶرٸندٸ. وليمپيادا جەڭٸمپازدارى حالىقارالىق IMO وليمپياداسىنا قاتىسۋ ٷشٸن قازاقستان قۇراماسىنا كٸرۋ مٷمكٸندٸگٸنە يە بولادى.
زيياتكەرلٸك سايىسقا ەلەمنٸڭ 38 ەلٸنەن جٷزدەگەن مەكتەپ وقۋشىسى قاتىستى. ولاردىڭ قاتارىندا جاپونييا, اۋسترالييا, كانادا, سينگاپۋر, اقش, ارگەنتينا, گونكونگ, يندونەزييا, مالايزييا, مەكسيكا, كاتار, كورەيا, تٷركييا جەنە ت.ب. ەلدەر بار.
«بيىل حالىقارالىق وليمپيادا وفلاين فورماتتا ٶتتٸ. قازاقستان اتىنان ەلٸمٸزدٸڭ تٷكپٸر-تٷكپٸرٸنەن 131 وقۋشى قاتىستى. بيىل بٸزدٸڭ وقۋشىلار ٷزدٸك نەتيجە كٶرسەتكەنٸن ايتا كەتكەن جٶن. مىسالى, بىلتىر قازاقستاندىق وقۋشىلار 3 التىن السا, بيىل ولاردىڭ سانى 5-كە جەتتٸ. ازييا-تىنىق مۇحيتى ەلدەرٸنٸڭ ماتەماتيكالىق وليمپياداسىنداعى جەڭٸسٸ وقۋشىلارىمىزعا ۇلتتىق قۇراما قاتارىنا قوسىلىپ, IMO-دا رەسپۋبليكا نامىسىن قورعاۋعا مٷمكٸندٸك بەرەدٸ. بالالار قازاقستاندى حالىقارالىق ارەنادا لايىقتى تانىتا الۋى ٷشٸن بٸز ەل ٸشٸندە تٷرلٸ دەڭگەيدە وليمپيادالار ٶتكٸزەمٸز. وليمپيادادا جەڭٸستەر ەدٸل جەنە ادال بولۋى ٷشٸن ونى ەلەكتروندى فورماتقا اۋىستىردىق, ودان بٶلەك كامەرالار ساتىپ الدىق. بىلتىر وقۋشىلارىمىز ٸرٸ حالىقارالىق وليمپيادالاردا رەكوردتىق كٶرسەتكٸشكە قول جەتكٸزٸپ, ەل قورجىنىنا 26 مەدال ەكەلدٸ», - دەپ ايتتى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى تيمۋر نۇركەشوۆ.
ايتا كەتەيٸك, حالىقارالىق ازييا-تىنىق مۇحيتى ماتەماتيكالىق وليمپياداسى جارىسقا قاتىسۋشىلار ەلٸنٸڭ اۋماعىندا وفلاين فورماتتا ٶتتٸ. سونداي-اق وقۋشىلار حالىقارالىق وليمپيادانى ۇيىمداستىرۋ كوميتەتٸنەن بٸر ۋاقىتتا تاپسىرمالار الدى.
