تۋعان جەرٸ شامالعانعا ساپارلاپ كەلگەن قر تۇڭعىش پرەزيدەنتٸ نۇرسۇلتان نازارباەۆ ٶز جەرلەستەرٸمەن كەزدەستٸ, دەپ حابارلايدى قازاقپارات تٸلشٸسٸ.
جۇرتشىلىق ەلباسىنى ٷلكەن سىي-قۇرمەتپەن قارسى الدى. كەزدەسۋدە نۇرسۇلتان ەبٸشۇلى ٶزٸنٸڭ وسى ۇيادان ۇشقان سەتٸن ەسكە الدى.
«1958 جىلى وسى شامالعاننان شەتكە كەتٸپ 20 جىلدان سوڭ الماتىعا قايتىپ كەلدٸم. كٸشكەنتايىمنان وسى جەردە ٶستٸم. اتا-بابامىز قاراتاۋدىڭ باۋرايىندا اعايىن-تۋعان, قۇدا-جەكجات بارلىعى وسى شامالعاندا. جاستار ەلٸ بٸلە بەرمەيدٸ. ۋاقىت كەلگەندە اۋىلىڭا كەلگەندە جاستىق شاق ەسكە تٷسەدٸ. مەملەكەتتٸ اياعىنان نىق تۇرعىزۋ ٷشٸن قانشا قيىن-قىستاۋ ۋاقىتتاردان ٶتتٸم. تاۋدا, ساي-سايلاردا ەكەممەن جٷرگەنٸم ەسكە تٷسكەن كەزدە بارلىق شارشاعانىم ۇمىتىلعانداي بولادى. سوندىقتان ادامنىڭ كٸندٸك كەسكەن جەرٸ ىستىق. ادام تۋعان جەرٸن سٷيۋ ارقىلى ٷلكەن وتانىن سٷيٸپ پاتريوت بولادى», - دەدٸ نۇرسۇلتان نازارباەۆ.
ٶز سٶزٸندە ول تۋعان جەرٸنە قۇرمەتٸن جەتكٸزە كەلە ەل باسقارعان كەزدەگٸ ەستەلٸكتەرٸمەن بٶلٸستٸ.
«مەن دە سٸزدەر سيياقتى وسى جەردەن ٶسٸپ, ەلەمنٸڭ 170 ەلٸن ارالادىم. 200-دەن استام پرەزيدەنتپەن كەزدەستٸم. سونىڭ بارلىعى ەلدٸڭ قامى ٷشٸن بولاتىن. 1979 جىلى ورتالىق كوميتەت حاتشىسى بولىپ كەلگەننەن بەرٸ قاراي 40 جىل ەل باسقارۋ ٸستەرٸندە جۇمىس ٸستەدٸم. قولىمنان كەلگەنشە كٷندٸز-تٷنٸ جۇمىس جاساپ, قازاق ەلٸن ەلەمگە تانىتۋعا تىرىستىم. سونىڭ ارقاسىندا ەشكٸم بٸلمەيتٸن قازاقستان دٷنيەجٷزٸنە بەلگٸلٸ بولدى. قازاقستاندىقتاردىڭ بارمايتىن جەرٸ, دەمالمايتىن كۋرورتى جوق. بالالارى ەلەمدٸك جوو-دا بٸلٸم الىپ جاتىر, دەنساۋلىعىن تٷزەيمٸن دەسە دە شەتەلدٸك ەمحانالارعا بارۋدا. سونىڭ بارلىعى ەلدٸڭ ٶركەندەۋٸ, مەملەكەت دەرەجەسٸنٸڭ كٶتەرٸلۋٸ ارقاسىندا. قازاقستان باسقالارمەن سالىستىرعاندا ٷلكەن ەل ەمەس. بٸزدٸڭ ەل قىتاي مەن رەسەي سيياقتى الىپ مەملەكەتتەرمەن شەكتەسەدٸ. وڭتٷستٸگٸمٸزدە يسلام مەملەكەتتەرٸ. ولاردىڭ اراسىندا 18 ملن حالىقپەن, جەرٸمٸز كەڭ بولسا دا ٷلكەن دەپ ايتا المايمىز. دۇرىس جٷرگٸزٸلگەن ساياساتتىڭ ارقاسىندا بارلىق مەملەكەتتەر قازاقستاندى سىيلايتىن بولدى. ارااعايىندىق تاتۋلىق مەسەلەسٸنە كٸرٸستٸك. ارقا تٶسٸندە جاڭا ەلوردامىزدى سالدىق. ەلوردامىز ەلەمدٸك جيىندار ٶتەتٸن, تانىمال ورتالىققا اينالدى. قازاقستاننىڭ ورتالىعى قانداي بولسا, ەلٸ دە سونداي دەپ تٷسٸنەدٸ», - دەدٸ تۇڭعىش پرەزيدەنت.
سونداي-اق ەلباسى پرەزيدەنتتٸك ٶكٸلەتتٸگٸن نەلٸكتەن توقتاتقانىن تٷسٸندٸرٸپ, ەلدٸڭ ەلەۋمەتتٸك جاعدايى تۋرالى پٸكٸر بٸلدٸردٸ.
«ٶزدەرٸڭٸز بٸلەسٸزدەر جاقىندا مەن شەشٸم قابىلداپ, پرەزيدەنتتٸك ٶكٸلەتتٸگٸمدٸ توقتاتتىم. سەبەبٸ, ەر ۇرپاقتىڭ ٶزٸنٸڭ ۋاقىتى, ٸستەيتٸن جۇمىسى بار. بٸراق مەن ەلباسى رەتٸندە بيلٸكتٸڭ ەڭ جوعارعى ساتىسىنا كەلٸپ, ودان ەرٸ نە ٸستەپ جاتقانىن كٶرٸپ, ستراتەگييالىق مەسەلەلەرگە كٶڭٸل بٶلۋ ٷشٸن وسىلاي شەشتٸم. مەنٸڭ ورنىما كەلگەن توقاەۆ مىرزا بەلگٸلٸ قازاق ازاماتى, مەنٸڭ ٷمٸتٸمدٸ اقتايدى دەپ سەنەمٸن...
...قازاقستاننىڭ بولاشاعى زور. ەلدە جاستارعا وقۋ وقۋعا, تٸل ٷيرەنۋگە تولىق جاعداي جاسالۋدا. بولاشاعىمىز بٸلٸم-عىلىمدا جاتىر. سٸزدەر اۋىلدىڭ ادامدارىسىزدار. اۋىل ٷشٸن تالاي باعدارلاما جاسالىپ, جۇمىستار جٷرۋدە. اۋىل تۇرعىندارىنا شاعىن نەسيەلەر بەرٸلٸپ, جۇمىس ٸستەيمٸن دەگەندەرگە, ماماندىعى جوقتارعا زامانعا ساي ماماندىق يگەرۋگە مٷمكٸندٸك بەرٸلگەن. قازٸر مەسەلە جۇمىسىزدىقتا ەمەس, ماماندىقتى دۇرىس يگەرمەۋدە. مامانى بار ادام جۇمىستى كەز كەلگەن جەردەن تابا الادى», - دەدٸ ول.
ايتا كەتەيٸك, ناۋرىز ايىنىڭ سوڭىندا نۇرسۇلتان نازارباەۆ الماتىعا ساپارلاپ كەلگەن بولاتىن.
.jpeg)