دەلدالدار كٶمٸر باعاسىن ٷش, تٸپتٸ تٶرت ەسە كٶبەيتٸپ جاتىر, دەپ حابارلايدى "ۇلت اقپارات" energyprom.kz اقپارات كٶزٸنە سٸلتەمە جاساپ.
«دەلدالدار جىلۋ ماۋسىمى باستالماي جاتىپ ٸسكە كٸرٸستٸ: ولاردىڭ ىقپال ەتۋٸمەن كٶمٸر باعاسى 3, كەيدە تٸپتٸ 4 ەسە, تونناسىنا 3,5–5,5 مىڭنان 14–22 مىڭ تەڭگەگە دەيٸن كٶتەرٸلٸپ بارادى», - دەلٸنگەن حابارلامادا.
قازاقستاندا قازان ايىندا جىلۋ ماۋسىمى باستالادى. ورتالىق جىلۋ جٷيەسٸنە قوسىلعان قالالارداعى تۇرعىن ٷيلەردە تاريف 14 پايىزعا تٶمەندەپ, 1 گكال ٷشٸن 3440 تەڭگەنٸ قۇراعان. ال ايماقتاردا ٷيلەردٸ جىلىتۋ كٶمٸر مەن وتىنعا, نەمەسە تابيعي گاز تاسىمالدايتىن تاراتۋ جەلٸلەرٸنە تەۋەلدٸ.
1 توننا كٶمٸردٸڭ رەسپۋبليكالىق دەڭگەيدە ورتاشا باعاسى 12,4 مىڭ تەڭگەنٸ قۇراپ وتىر. بۇل باعا ٶتكەن جىلدىڭ قىركٷيەگٸمەن سالىستىرعاندا 3,8 پايىزعا عانا ارزان. وتىننىڭ بٸر تەكشە مەترٸ 8,9 پايىزعا - 6,5 مىڭ تەڭگەگە دەيٸن قىمباتتاعان. تابيعي گازعا قول جەتٸمدٸ ايماقتار ٷشٸن گازدىڭ باعاسى 1 تەكشە مەتر ٷشٸن 1,1 پايىزعا - 18,7 تەڭگەگە دەيٸن تٶمەندەدٸ.
«كٶمٸر باعاسىن بەلگٸلەۋ ەلٸ دە دەلدالداردىڭ قولىندا تۇر. دەلدالداردىڭ ٶزٸن دەلدالدىق قۇرىلىمدار رەتتەيتٸندەي ساۋدا بيرجاعا اۋىسسا دا, بۇل ٶزگەرٸس كٶمەكتەسەتٸن ەمەس. سونىمەن, ٶندٸرۋشٸ كومپانييالار باستاپقىدا كٶمٸردٸڭ تونناسىن 3,5–5,5 مىڭ تەڭگەگە ساتسا, بۇل باعا بٷكٸل دەلدالدار تٸزبەگٸنەن ٶتٸپ بارىپ, تٷپكٸلٸكتٸ تۇتىنۋشى ٷشٸن 14-22 مىڭ تەڭگە ارالىعىندا ساتىلادى», - دەپ تولىقتىرادى energyprom.kz.
قر ۇەم بەسەكەلەستٸكتٸ قورعاۋ جەنە دامىتۋ كوميتەتٸنٸڭ تٶراعاسى رٷستەم احمەتوۆتٸڭ ايتۋىنشا, كٶمٸر ٶندٸرۋشٸلەر مەن ولارعا ەنشٸلەس دەلدال كومپانييالاردىڭ كەلٸسٸپ الۋ جاعدايى دا انىقتالعان. ياعني, تاۋار بيرجاسىندا 566 مىڭ توننا كٶمٸر بار بولعانى 6 تاسىمالداۋشىعا بٶلٸنٸپ بەرٸلگەن.
ستاتيستيكا كوميتەتٸنٸڭ مەلٸمەتٸنە سەنسەك, كٶمٸردٸڭ ەڭ جوعارى باعاسى ورالدا (بٸر توننا ٷشٸن 18,5 مىڭ تەڭگە), قىزىلوردادا (14,1 مىڭ تەڭگە) جەنە الماتىدا (14 مىڭ تەڭگە) بايقالعان. وتىننىڭ ەڭ جوعارى باعاسى نۇر-سۇلتاندا: 1 تەكشە مەترگە 12,7 مىڭ تەڭگە. سونداي-اق, ەلوردادا كٶمٸر باعاسى تونناسىنا 12,3 مىڭ تەڭگەنٸ قۇراپ وتىر.
