ۇلتتىق سەنٸم كەڭەسٸنٸڭ مٷشەسٸ, BTS Digital بٸلٸم جوبالارىنىڭ جەتەكشٸسٸ ساياسات نۇربەك قازاقستاندىق كوللەدجدەردە وقىتۋدىڭ جاڭا باعدارلاماسىن ەنگٸزۋ جوسپارى تۋرالى ايتتى, دەپ حابارلايدى قازاقپارات.
«جاڭا ماماندىقتار اتلاسى بٷگٸندە ٶز جەمٸسٸن بەرە باستادى. ايتار بولساق, تجكبب دايىنداۋدا جەنە كوللەدجدەر مەن جوو-عا ارنالعان جاڭا وقۋ باعدارلامالارىن ەزٸرلەۋدە قولدانىپ جاتىر». مەسەلەن, اتىراۋ مۇناي جەنە گاز ۋنيۆەرسيتەتٸنٸڭ بازاسىندا بيىل العاش رەت مۇناي-گاز جابدىقتارىن پرەديكتيۆتٸك تالداۋ بويىنشا باكالاۆريات باعدارلاماسى ٸسكە قوسىلادى. ودان بٶلەك, وتاندىق 10 كوللەدج بازاسىندا بۇرىن مٷلدەم بولماعان, جاڭا وقىتۋ باعدارلامالارى ٸسكە قوسىلادى», - دەدٸ ساياسات نۇربەك ۇلتتىق كەڭەس مٷشەلەرٸنە مەملەكەتتٸك ناگرادالاردى تاپسىرۋ سالتاناتىنىڭ الدىندا تٸلشٸلەرگە سۇحبات كەزٸندە.
ونىڭ ايتۋىنشا, ماماندىقتار اتلاسى بٸلٸم سالاسىمەن قاتار, ەڭبەك نارىعىندا دا سۇرانىسقا يە.
«قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەڭبەك نارىعىن ۇزاق مەرزٸمدٸ بولجاۋ ٷشٸن اتلاستى پايدالانىپ جاتى. تەۋەلسٸزدٸكتٸڭ 30 جىلىندا بٸز العاش رەت ەڭبەك نارىعىنىڭ قالاي ٶزگەرەتٸنٸ تۋرالى قىسقا, ورتا جەنە ۇزاق مەرزٸمدٸ مودەلٸن جاساي باستادىق. ەڭبەك نارىعىندا جاڭا سۇرانىستار پايدا بولىپ جاتىر, بۇل ٶز كەزەگٸندە جاڭا داعدى مەن تالاپتى قاجەت ەتەدٸ. بۇل حالىق ٷشٸن دە, بٸلٸم بەرۋ جەنە ەڭبەكپەن قامتۋ سالاسى ٷشٸن دە ماڭىزدى. سونداي - اق بيزنەس سالاسىنا دا نارىق سۇرانىسىنا دايىن بولۋعا قاتىستى ناقتى نۇسقاۋلىق بەرەدٸ», - دەيدٸ ول.
