«بارىس» جەنە قازاقستان ۇلتتىق قۇراماسىنىڭ قورعاۋشىسى داررەن ديتس ەكٸنشٸ جىل قاتارىنان ەلدٸڭ ٷزدٸك حوككەيشٸسٸ رەتٸندە تانىلدى, دەپ حابارلايدى sports.kz پورتالى.
«قازاقستاننىڭ ٷزدٸك حوككەيشٸسٸ» بايقاۋىنىڭ ديرەكتوراتى كەش بولسا دا, 2019/2020 جىلعى ماۋسىم لاۋرەاتى انىقتالاتىن دەستٷرلٸ رەفەرەندۋمنىڭ قورىتىندىسىن شىعاردى.
بۇرىنعى دەستٷر بويىنشا, حوككەي تۋرالى جازاتىن جەنە تەلەديداردا حوككەي تاقىرىبىن جٷرگٸزەتٸن تٸلشٸلەرگە ولاردىڭ كٶزقاراسى بويىنشا ٶتكەن ماۋسىمدا ٶزدەرٸن ەرەكشە تانىتقان ويىنشىلار «ٷشتٸگٸن» اتاۋ ۇسىنىلعان. بۇل رەتتە جىل حوككەيشٸسٸ اتاعىنا تەك قازاقستاندىق سپورتشىلار عانا ەمەس, وتاندىق كلۋبتاردا ويناعان لەگيونەرلەر دە قاتىستى. بٸرٸنشٸ ورىن ٷشٸن انكەتادا ٷش ۇپاي, ەكٸنشٸ ورىن ٷشٸن ەكٸ جەنە ٷشٸنشٸ ورىنعا – بٸر ۇپايدان ەسەپتەلگەن.
ەلدٸڭ ٷزدٸك حوككەيشٸسٸن انىقتاۋ ماقساتىندا جٷرگٸزٸلگەن سۇراۋ 29-شى رەت ٶتكٸزٸلدٸ. بۇعان دەيٸن حوككەي ماۋسىمىنىڭ لاۋرەاتتارى اراسىندا ەۆگەنيي كورەشكوۆ (ٷش مەرتە - 1994, 2003, 2006 جج.), ۆيتاليي ەرەمەەۆ (ەكٸ مەرتە 2011, 2012 جج.) جەنە رومان ستارچەنكو (ەكٸ مەرتە 2013, 2015 جج.), جەنە يگور زەمليانوي (1992 ج.), كونستانتين شافرانوۆ (1993 ج.), اندرەي پچەلياكوۆ (1995 ج.), اندرەي ساموحۆالوۆ (1996 ج.), ۆلاديمير زاۆيالوۆ (1997 ج.), الەكساندر كورەشكوۆ (1998 ج.), دميتريي ۋپپەر (1999 ج.), فەدور پوليششۋك (2000 ج.), ۆيتاليي ترەگۋبوۆ (2001 ج.), سەرگەي الەكساندروۆ (2002 ج.), اناتوليي فيلاتوۆ (2004 ج.), ۆيتاليي كولەسنيك (2005 ج.), تالعات جايلاۋوۆ (2007 ج.), اندرەي گاۆريلين (2008 ج.), كەۆين داللمەن (2009 ج.), دميتريي دۋدارەۆ (2010 ج.), برەندون بوچەنسكي (2014 ج.), رومان ساۆچەنكو (2016 ج.), نيكيتا ميحايليس (2017 ج.), ەۆگەنيي رىمارەۆ (2018 ج.) جەنە داررەن ديتتس (2019 ج.) بولعان.
ماۋسىمنىڭ ٷزدٸك حوككەيشٸسٸن انىقتايتىن تٸلشٸلەر رەفەرەندۋمىندا كانادانىڭ (مەديسين-حەت) 27 جاستاعى تۋماسى داررەن ديتتس ەكٸنشٸ جىل قاتارىنان جەڭٸسكە جەتتٸ. سپورتشى ٶتكەن جىلى قازاقستان ازاماتتىعىن الدى.
سۇراۋ قورىتىندىسى بويىنشا, سەگٸز شولۋشى قورعاۋشىنى بٸرٸنشٸ ورىنعا قويسا, جەتەۋٸ ەكٸنشٸ ورىنعا جەنە تاعى بٸرەۋٸ – ٷشٸنشٸ ورىنعا قويعان. سوماعا شاققان كەزدە, بۇل جەڭٸسكە جەتكٸزگەن 39 ۇپاي ەكەلدٸ.
بايقاۋدا ەكٸنشٸ ورىندى 28 ۇپاي جيناعان گولكيپەر ەددي پاسكۋالە الدى. ٷشٸنشٸ ورىندا – بايقاۋدىڭ ٷشٸنشٸ جٷلدەگەرٸ نيكيتا ميحايليس (27 ۇپاي). ٷزدٸكتەر «بەستٸگٸندە» سونداي-اق «بارىس» ارداگەرٸ رومان ستارچەنكو (10 ۇپاي) جەنە «تورپەدودا» ماۋسىمدى جاقسى ٶتكٸزگەن شابۋىلداۋشى ەۆگەنيي رىمارەۆ (8 ۇپاي) بار. ساۋالنامادا ٷش كلۋبتا وينايتىن 16 سپورتشىنىڭ ەسٸمٸ اتالعان. ولاردىڭ كٶبٸ – «بارىس» حوككەيشٸلەرٸ.
