جىل سايىن قازاقستاندا بالالارىنا دۇرىس قاراماعان مىڭعا جۋىق ادام اتا-انالىق قۇقىعىنان ايىرىلادى.
بۇل تۋرالى قر ٸٸم يۋۆەنالدىق پوليتسييا جەنە ەيەلدەردٸ زورلىق-زومبىلىقتان قورعاۋ باسقارماسىنىڭ باسشىسى ەسەت وسپانوۆ مەلٸم ەتتٸ, دەپ حابارلايدى قازاقپارات.
اتا-انا قۇقىعىنان ايىرۋ ۇزاق پروتسەسس ەكەنٸن توقتالعان ول, «ونىڭ باستى سەبەبٸنە توقتالساق, بالانىڭ اتا-اناسى ٸشٸمدٸككە سالىنىپ, بالا تەربيەسٸمەن اينالىسپايدى. اتا-انا قۇقىعىنان ايىرۋ تۋرالى مەسەلەنٸ كٶتەرمەس بۇرىن بۇل وتباسىلار تيٸستٸ مەرزٸمدە پوليتسييا ورگاندارىندا ەسەپتە تۇرادى. وسى ورايدا پروفيلاكتيكالىق شارالار جٷرگٸزٸلەدٸ», - دەدٸ.
ەڭ الدىمەن, ٶز مٸندەتٸن دۇرىس اتقارماي جٷرگەن اتا-انالار ەسەپكە قويىلادى. سول وتباسىمەن پروفيلاكتيكالىق جۇمىس ٸستەپ, تۇرعىلىقتى ٷي-جايى تەكسەرٸلەدٸ. تيٸستٸ جۇمىستاردان سوڭ ولارمەن جەكە ەڭگٸمە جٷرگٸزٸلٸپ, اتا-انالارعا نۇسقاۋلىق بەرٸلەدٸ.
«ٶكٸنٸشكە قاراي, جىل سايىن وسى سەبەپتەردٸڭ سالدارىنان ەلٸمٸزدە مىڭعا جۋىق وتباسى اتا-قۇقىعىنان ايىرىلادى», - دەپ ناقتىلادى ە. وسپانوۆ.
ٶز كەزەگٸندە قر بعم بالالاردىڭ قۇقىقتارىن قورعاۋ كوميتەتٸ تٶراعاسىنىڭ مٸندەتٸن اتقارۋشى دۋلات جەكەباەۆ اتا-انالاردى جۇمىسپەن قامتۋ, ەم-دوم قابىلداۋعا جٸبەرۋ مٷمكٸندٸكتەرٸ ەسكەرٸلەتٸنٸن اتاپ ٶتتٸ.
«الايدا بالانىڭ قاۋٸپسٸزدٸگٸنە قاتەر تۋسا, سوت ارقىلى اتا-انالىق قۇقىعىنان ايىرۋ مەجبٷرلٸ قادامىنا بارامىز. كەيٸننەن بۇل اتا-انالار جاعدايدى تٷزەتۋ مٷمكٸندٸگٸنە يە. ەمدەلٸپ, جۇمىسقا تۇرسا ەرٸ تۇرعىلىقتى باسپاناسىن جاقسارتسا, وندا مەملەكەت كوميسسييالىق تەرتٸپتە اتا-انا قۇقىعىن قايتارۋدى قاراستىرۋعا دايىن ەكەنٸن اتاپ ٶتكەن جٶن», - دەدٸ د. جەكەباەۆ.
