ەلٸمٸزدە جىل سايىن 5 مىڭعا جۋىق جاسٶسپٸرٸم قىز جٷكتٸ بولادى. بۇل تۋرالى بٷگٸن باق ٶكٸلدەرٸمەن كەزدەسكەن قر دەنساۋلىق ساقتاۋ مينيسترٸ ەلجان بٸرتانوۆ ايتتى, دەپ حابارلايدى قازاقپارات.
«بۇل مەسەلەمەن بٸز ٷكٸمەتتٸك ەمەس ۇيىمدارمەن, حالىقارالىق ۇيىمدارمەن بٸرلەسٸپ اينالىسىپ جاتىرمىز. بۇۇ-دا كٶمەكتەسەدٸ. ولاردىڭ دەرەكتەرٸنە سەيكەس, 16-18 جاس ارالىعىندا جاسٶسپٸرٸم قىزداردىڭ جٷكتٸ بولۋىنىڭ 4 800-5 000 دەرەگٸن تٸركەيمٸز. ٶكٸنٸشكە قاراي, ەرتە جىنىستىق ٶمٸرگە ارالاسۋ فاكتٸلەرٸ بار. بۇعان قوسا, جىل سايىن شامامەن دەل وسى ساناتتاعى تۇرعىنداردىڭ 1200-1300 تٷسٸك جاساتۋى تٸركەلەدٸ. ەرينە, ولاردىڭ بارلىعى دا مەديتسينالىق كٶرسەتٸلٸم مەن قارسى كٶرسەتٸلٸمگە ساي قاۋٸپسٸز جاعدايدا, قورعالعان تٷردە جٷرگٸزٸلەدٸ», - دەدٸ ول.
ونىڭ ايتۋىنشا, تٷسٸك جاساتۋ زاڭدى تٷردە جٷرگٸزٸلۋٸ قاجەت. دەرٸگەرلەر مۇنداي جاعدايدى باقىلاۋىندا ۇستاپ وتىرۋى تيٸس.
«جٷكتٸ قىزدى ۋچاسكەلٸك دەرٸگەر نەمەسە ەمحانالاردىڭ جانىنان قۇرىلاتىن جاسٶسپٸرٸمدەر دەنساۋلىعى ورتالىعىنىڭ دەرٸگەرٸ مۇنداي شەشٸمدٸ اتا-اناسىنىڭ قابىلداۋىنا كٶندٸرۋ قاجەت. ولار نەگە جەنە قانداي قاۋپٸ بار ەكەندٸگٸن تٷسٸندٸرۋٸ تيٸس. مەديتسينالىق مەكەمەدەن تىس جاعدايدا جٷكتٸلٸكتٸ ٷزۋ ٶتە قاۋٸپتٸ. قىزدار دەنساۋلىعىنا نۇقسان كەلتٸرۋمەن قاتار, بولاشاقتا انا بولۋ قۇقىعىنان, تٸپتٸ ٶمٸرلەرٸنەن ايىرىلۋى مٷمكٸن. مۇنداي پروبلەما بار جەنە وعان كٶز جۇما قاراۋعا بولمايدى. كەيبٸرەۋلەر مۇنى مەكتەپتٸڭ ەمەس, اتا-انانىڭ مەسەلەسٸ ەكەندٸگٸن ايتادى. الايدا, ٶكٸنٸشكە قاراي اتا-انالاردىڭ بارلىعى بۇل جاعدايدى جەتە تٷسٸنە بەرمەيدٸ. سوندىقتان بٸز كودەكسكە مەكتەپتەرگە ناقتى جاۋاپكەرشٸلٸك جٷكتەپ, باعدارلاما جٷرگٸزۋدٸ ۇسىندىق. سٶز رەپرودۋكتيۆتٸ دەنساۋلىقتى قورعاۋ جايىندا بولىپ وتىر», - دەدٸ ەلجان بٸرتانوۆ.
