ورتالىق كوممۋنيكاتسييالار قىزمەتٸندە ٶتكەن بريفينگٸدە ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ مٸندەتٸن اتقارۋشى ەرلان قۇتپانباەۆ زاڭسىز اعاش كەسۋشٸلەرگە قارسى كٷرەسٸپ جٶنٸندە باياندادى, دەپ حابارلايدى قازاقپارات.
«جىل باسىنان وسى ۋاقىتقا دەيٸن ەلٸمٸز بويىنشا 8192 رەيدتٸك شارا ٶتكٸزٸلگەن. سونىڭ ارقاسىندا 57 زاڭسىز اعاش كەسۋ وقيعاسى تٸركەلدٸ. كەلتٸرٸلگەن شىعىننىڭ كٶلەمٸ – 15,3 ملن تەڭگە. ونىڭ 4 ملن تەڭگەدەن استامى ٶندٸرٸپ الىندى. جالپى 57 وقيعانىڭ 30-ى قۇقىق قورعاۋ ورگاندارىنا جولداندى. سوتقا جٸبەرٸلگەنٸ – 22. 7 قىلمىستىق ٸس قوزعالعان. زاڭسىز اعاش كەسۋ كەزٸندە كەلتٸرٸلگەن شىعىننىڭ جالپى سوماسى 100 اەك-تەن اسسا, قىلمىستىق ٸس قوزعالادى. 100 اەك-كە دەيٸنگٸ شىعىندار سوتتا قارالادى», - دەدٸ كوميتەت باسشىسى.
سونداي-اق, ول ٶرتەنگەن ورمان القاپتارىن قالپىنا كەلتٸرۋدٸڭ تەرتٸبٸن تٷسٸندٸردٸ.
«ٶرتەنگەن ورمان القاپتارىنىڭ ورنى ەكٸنشٸ جىلى تٷگەلدەي تازارتىلادى. وسىدان كەيٸن عانا القاپتى جاڭارتۋ جۇمىستارى باستالادى. ياعني, جاڭا تال ەگۋ باستالادى. بۇل جەردە قازاقستاننىڭ ورمان قورىن قۇرايتىن اعاشتار ەگٸلەتٸنٸن ايتۋ كەرەك», - دەدٸ كوميتەت تٶراعاسىنىڭ مٸندەتٸن اتقارۋشى.
ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ مٸندەتٸن اتقارۋشى ەرلان قۇتپانباەۆتىڭ ايتۋىنشا, ۆيتسە-مينيستر ايتىپ وتىرعان جوبا 2030 جىلعا دەيٸن ٸسكە اسىرىلادى.
«ارالدىڭ قاڭسىعان تابانىندا سەكسەۋٸل ەگۋ 1980 جىلدان باستاپ جٷرگٸزٸلٸپ كەلەدٸ. بٷگٸنگە دەيٸن ونداعى ورماندى القاپتىڭ جالپى كٶلەمٸ 337 مىڭ گەكتاردان استى. كٶكتەمدە ارنايى ەكسپەديتسييا ۇيىمداستىرىلدى. ەكسپەديتسييا مٷشەلەرٸ قاڭسىعان القاپتاردىڭ بٸرازى ارالاپ ٶتتٸ. قازٸرگٸ ۋاقىتتا ٸزدەستٸرۋ جۇمىستارى جٷرگٸزٸلٸپ جاتىر. ورمانعا جارامدى جەرلەردٸڭ بەرٸ ٸزدەستٸرۋ جۇمىستارىنان كەيٸن انىقتالادى. 2030 جىلعا دەيٸن 1 ملن گەكتاردان استام جەرگە سەكسەۋٸل ەگۋ جوسپارلانعان», - دەدٸ ول.
