قازاقستاندا جىل باسىنان بەرٸ ينفلياتسييا دەڭگەيٸ 5,6 پايىزدى قۇرادى دەپ حابارلادى ۇلتتىق ەكونوميكا مينيسترلٸگٸ. رەسمي اقپاراتقا قاراعاندا, سوڭعى توعىز ايدا ازىق-تٷلٸك تاۋارلارىنىڭ باعاسى بەس پايىزعا, ازىق-تٷلٸك ەمەس تاۋارلار باعاسى - 6,8 پايىزعا, اقىلى قىزمەتتەر - 5,3 پايىزعا قىمباتتاعان.
ٶتكەن جىلدىڭ جەلتوقسانىنان بەرٸ جارما باعاسى 32,5 پايىزعا, شەي - 25,8, قانت - 22,4, نان - 16,1 پايىزعا, كونديتەرلٸك ٶنٸمدەر مەن ٶسٸمدٸك مايى - 11 پايىزدان استامعا قىمباتتاعان دەلٸنگەن مينيسترلٸك باسپاسٶز قىزمەتٸنٸڭ اقپاراتىندا.
دەنساۋلىق ساقتاۋ قىزمەتتەرٸنٸڭ باعالارى سەگٸز پايىزعا, بٸلٸم بەرۋ قىزمەتٸ التى پايىزعا قىمباتتاعان. الىس قاشىقتىققا ارنالعان تەمٸرجول دا جولاۋشى بيلەتتەرٸنٸڭ قۇنى 12,5 پايىزعا, ەۋە تاسىمالى بيلەتتەرٸنٸڭ قۇنى 11,8 پايىزعا, قالاٸشٸلٸك قوعامدىق كٶلٸكتەردەگٸ تاسىمال باعاسى 8,4 پايىزعا قىمباتتاعان.
فارماتسەۆتيكالىق ٶنٸمدەردٸڭ باعالارى 14,4 پايىزعا, ديزەل وتىنى 27,3 پايىزعا, باللونداعى سىعىمدالعان گاز باعاسى 17,5 پايىزعا ارتقان.
ۇلت پورتالى
