Qazaqstanda jyl basynan beri infliatsiia deńgeii 5,6 paiyzdy qurady dep habarlady ulttyq ekonomika ministrligi. Resmi aqparatqa qaraǵanda, sońǵy toǵyz aida azyq-túlik taýarlarynyń baǵasy bes paiyzǵa, azyq-túlik emes taýarlar baǵasy - 6,8 paiyzǵa, aqyly qyzmetter - 5,3 paiyzǵa qymbattaǵan.
Ótken jyldyń jeltoqsanynan beri jarma baǵasy 32,5 paiyzǵa, shái - 25,8, qant - 22,4, nan - 16,1 paiyzǵa, konditerlik ónimder men ósimdik maiy - 11 paiyzdan astamǵa qymbattaǵan delingen ministrlik baspasóz qyzmetiniń aqparatynda.
Densaýlyq saqtaý qyzmetteriniń baǵalary segiz paiyzǵa, bilim berý qyzmeti alty paiyzǵa qymbattaǵan. Alys qashyqtyqqa arnalǵan temirjol da jolaýshy biletteriniń quny 12,5 paiyzǵa, áýe tasymaly biletteriniń quny 11,8 paiyzǵa, qalaishilik qoǵamdyq kólikterdegi tasymal baǵasy 8,4 paiyzǵa qymbattaǵan.
Farmatsevtikalyq ónimderdiń baǵalary 14,4 paiyzǵa, dizel otyny 27,3 paiyzǵa, ballondaǵy syǵymdalǵan gaz baǵasy 17,5 paiyzǵa artqan.
Ult portaly
