پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جول جٷرٸسٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى "ۇلت اقپارات".
اتالعان زاڭ جوباسىن پارلامەنت دەپۋتاتتارى ەزٸرلەدٸ.
«بۇل قۇجات جول جٷرٸسٸ سالاسىنداعى زاڭنامانى جەتٸلدٸرۋگە باعىتتالعان. زاڭ جوباسىندا قازاقستاندا بەرٸلگەن جٷرگٸزۋشٸ كۋەلٸگٸ جەنە كٶلٸك قۇرالىن تٸركەۋ تۋرالى كۋەلٸكتٸ جٷرگٸزۋشٸنٸڭ ٶزٸمەن بٸرگە الىپ جٷرۋگە مٸندەتتەيتٸن نورمالاردى الىپ تاستاۋ كٶزدەلەدٸ. اتالعان نورمالاردى ساقتاماعانى ٷشٸن ەكٸمشٸلٸك جاۋاپتىلىقتى الىپ تاستاۋ ۇسىنىلادى», - دەدٸ مەجٸلٸس دەپۋتاتى قانات مۋسين.
سونىمەن قاتار, بۇل تٷزەتۋلەر شەتەلدٸك جٷرگٸزۋشٸلەر مەن شەتەلدٸك كٶلٸك قۇرالدارىنا قولدانىلمايدى.
سونىمەن قاتار, زاڭ جوباسىندا جول سالۋشىلاردى جولعا بايلانىستى قۇرىلىستاردى الدىن الا كەلٸسۋگە جەنە ولارعا ساراپتاما جٷرگٸزۋگە مٸندەتتەيتٸن نورمالار ەسكەرٸلدٸ.
«شىعارىلعان ۋاقىتى 10 جىلدان اسقان اۆتوبۋستاردى باستاپقى مەملەكەتتٸك تٸركەۋگە تىيىم سالۋ ۇسىنالادى», - دەدٸ دەپۋتات.
